યુનોમાં પાક.ની કાગારોળઃ મળ્યો ઠપકોઃ આબરૂનું ધોવાણ
UNSCમાં હાથે પગે લાગવા ગયું પાકિસ્તાન પણ ખુદ ફસાઈ ગયું: સુરક્ષા પરિષદે લબલબાવી નાખ્યું: થયો ફજેતો સુરક્ષા પરિષદે સવાલોનો મારો ચલાવતા પાકિસ્તાનને પરસેવો વળી ગયોઃ તોયબાની ભૂમિકા શું છે? એવું પુછયું: મગરના આંસુ વ્હાવ્યા પણ કામ ન લાગ્યા
યુનો,તા.૦૬: ભારત વિરુદ્ધ પાકિસ્તાનનું દરેક પગલું તેના માટે મોંઘુ સાબિત થઈ રહ્યું છે. તાજેતરનો કિસ્સો સંયુક્ત રાષ્ટ્ર સુરક્ષા પરિષદની બેઠકનો છે, જ્યાં પાકિસ્તાન મદદ માંગવા ગયું હતું પરંતુ સુરક્ષા પરિષદે પાકિસ્તાનને ઠપકો આપ્યો. સંયુક્ત રાષ્ટ્ર સુરક્ષા પરિષદના સભ્યોએ પાકિસ્તાનને કડક પ્રશ્નો પૂછયા અને પહેલગામ આતંકવાદી હુમલા માટે જવાબદારી નક્કી કરવા કહ્યું.
યુએનએસસીની બેઠકમાં સભ્યોએ પાકિસ્તાનને પૂછયું કે શું લશ્કર-એ-તૈયબા પહેલગામ આતંકવાદી હુમલામાં સામેલ છે કે નહીં. વાસ્તવમાં પાકિસ્તાન પહેલગામ આતંકવાદી હુમલાના બહાને એવું બતાવવાનો પ્રયાસ કરી રહ્યું છે કે ભારત તેના પર હુમલો કરવા માંગે છે. જોકે, સુરક્ષા પરિષદે પાકિસ્તાનના આ દલીલને ફગાવી દીધી અને તેના બદલે હુમલામાં લશ્કર-એ-તૈયબાની ભૂમિકા પર સવાલ ઉઠાવવાનું શરૂ કર્યું.
સંયુક્ત રાષ્ટ્ર પરિષદની બેઠકમાં પહેલગામ આતંકવાદી હુમલાની સખત નિંદા કરવામાં આવી હતી અને તેના માટે જવાબદારીની પણ માંગ કરવામાં આવી હતી. કેટલાક સભ્યોએ ખાસ કરીને એ હકીકત પર પ્રશ્નો ઉઠાવ્યા કે પહેલગામમાં પ્રવાસીઓને તેમના ધર્મ વિશે પૂછયા પછી નિશાન બનાવવામાં આવ્યા હતા. સભ્યો દ્વારા પણ આની સખત નિંદા કરવામાં આવી હતી.
પાકિસ્તાનના અનુરોધ બાદ સંયુક્ત રાષ્ટ્ર સુરક્ષા પરિષદની બંધ બારણે બેઠક ( ક્લોઝ ડોર મીટિંગ ) યોજાઇ હતી. જોકે બેઠક બાદ કોઈ નક્કર પરિણામ ન આવતા પાકિસ્તાનને મોટો ઝટકો લાગ્યો છે. દોઢ કલાક સુધી થયેલી મીટિંગમાં કોઈ જ સત્તાવાર પ્રસ્તાવ પસાર થયો નહીં. આટલું જ નહીં બેઠક બાદ કોઈ સત્તાવાર નિવેદન પણ જાહેર થયું નહીં. જે બાદ પાકિસ્તાનની ફરી આંતરરાષ્ટ્રીય ફજેતી થઈ છે. જોકે પાકિસ્તાનના પ્રતિનિધિનો દાવો છે કે આ બેઠક થઈ એ જ મોટી વાત કહેવાય!
સુરક્ષા પરિષદની બેઠકમાં પહલગામ હુમલાની નિષ્પક્ષ તપાસની માંગ કરી. આટલું જ નહીં પાકિસ્તાને ભારત પર એકતરફી કાર્યવાહી અને આક્રમકતા બતાવવાનો આરોપ લગાવ્યો. અન્ય દેશો સામે પાકિસ્તાને મગરના આંસુ વહાવી કહ્યું કે અમે સંઘર્ષ નથી ઈચ્છતા પરંતુ ક્ષેત્રીય અખંડતાની રક્ષા કરવા માટે તૈયાર છીએ. પાકિસ્તાને આ બેઠકમાં સિંધુ સંધિ અને કાશ્મીરનો મુદ્દો પણ ઉછાળ્યો હતો.
ભારત-પાકિસ્તાન તણાવ પર UNSCમાં બંધ બારણે બેઠક યોજાઈ
પહેલગામ હુમલા પછી પાકિસ્તાન ભારતથી સંપૂર્ણપણે ડરી ગયું છે. તેને વિશ્વાસ છે કે વહેલા કે મોડા ભારત તેનો બદલો લેશે. ૨૬ લોકોનાં મોતનો બદલો પાકિસ્તાનને ધૂળ ચટાવશે. આ જ કારણ છે કે પાકિસ્તાન હવે ગભરાટની સ્થિતિમાં છે. કયારેક તે યુદ્ધની ધમકી આપે છે તો કયારેક કાશ્મીર વિશે રડે છે. કયારેક તે દુનિયાને ભારત તરફથી સંભવિત હુમલાથી બચાવવા માટે અપીલ કરે છે. હા, પહેલગામ હુમલો કરનાર પાકિસ્તાને ફરી એકવાર સંયુક્ત રાષ્ટ્રનો સંપર્ક કર્યો છે. સંયુક્ત રાષ્ટ્ર સુરક્ષા પરિષદની બંધ બારણે મળેલી બેઠકમાં પાકિસ્તાને કાશ્મીરનો જૂનો રાગ છેડ્યો છે. એટલું જ નહીં, તેણે કાચિંડાની જેમ પોતાનો રંગ બદલ્યો અને કહ્યું, સાહેબ અમને શાંતિ અને વાતચીત જોઈએ છે. તેમણે સંયુક્ત રાષ્ટ્ર સુરક્ષા પરિષદમાં પણ કહ્યું હતું કે ભારત તેમના પર હુમલો કરી શકે છે.
હા, પાકિસ્તાને સુરક્ષા પરિષદની બંધ બારણે મળેલી બેઠકમાં કાશ્મીરનો જૂનો મુદ્દો ઉઠાવ્યો છે. આતંકવાદીઓનું પાલન કરનાર પાકિસ્તાને પહેલગામ હુમલાની તટસ્થ તપાસની માંગ કરી છે. આનું કારણ ભારત તરફથી હુમલાનો ડર છે. હકીકતમાં, સુરક્ષા પરિષદની બંધ બારણે યોજાયેલી બેઠકમાં ભારત અને પાકિસ્તાન વચ્ચે વધતા તણાવ અને બંને દેશો વચ્ચે નબળી સુરક્ષા પરિસ્થિતિ પર ચર્ચા કરવામાં આવી હતી. આ સમયગાળા દરમિયાન, પાકિસ્તાને મગરના આંસુ વહાવ્યા અને વિક્ટિમ કાર્ડ રમ્યું અને કહ્યું કે હું પોતે આતંકવાદનો શિકાર છું.
સિંધુ જળ સંધિ
અટકાવવાથી નુકસાન
પાકિસ્તાને UNSCમાં પણ હોશિયારી બતાવી. તેણે આખી દુનિયાને છેતરી. પાકિસ્તાને પહેલગામ આતંકવાદી હુમલા અંગે ભારતના આરોપોને નકારી કાઢયા અને તેમને પાયાવિહોણા ગણાવ્યા. બેઠકમાં પાકિસ્તાન દ્વારા સિંધુ જળ સંધિને સ્થગિત કરવાનો મુદ્દો ઉઠાવવામાં આવ્યો હતો. પાકિસ્તાને કહ્યું કે આ કરાર કાયદેસર રીતે બંધનકર્તા છે અને સિંધુના પાણીને રોકવાને આક્રમણ ગણવામાં આવશે. પાણી કોઈ શષા નથી.
પાકિસ્તાને ફરી એકવાર
કાશ્મીર મુદ્દો ઉઠાવ્યો
પાકિસ્તાને બેઠકમાં કાશ્મીર મુદ્દો ઉઠાવતા કહ્યું કે પ્રાદેશિક અસ્થિરતાનું મુખ્ય કારણ કાશ્મીર વિવાદનું નિરાકરણ ન આવવું છે. પોતાની ખામીઓ છુપાવવા માટે, તેમણે એક નવી યુક્તિ રમી અને કાશ્મીરમાં માનવાધિકાર ઉલ્લંઘનનો મુદ્દો ઉઠાવ્યો. પાકિસ્તાન અહીં જ અટકયું નહીં. તેણે કાશ્મીરમાં યુએનની દેખરેખ હેઠળ લોકમતનો મુદ્દો પણ ઉઠાવ્યો. તે ભારત તરફથી સંભવિત હુમલાથી બચવા માટે આ બધું કરી રહ્યો છે.
ભારતમાં આતંકવાદી હુમલાઓ કરનાર પાકિસ્તાને પોતાને આતંકવાદ સામેની લડાઈમાં મોખરે હોવાનું ગણાવ્યું. ભારતના આતંકવાદના આરોપને નકારી કાઢતા તેમણે કહ્યું કે અમે ભારત સહિત તમામ પડોશી દેશો સાથે શાંતિ ઇચ્છીએ છીએ અને વાતચીત માટે ખુલ્લા છીએ. સુરક્ષા પરિષદની બેઠકમાં પાકિસ્તાને પહેલગામ હુમલાની તટસ્થ તપાસની માંગ કરી અને શ્ફલ્ઘ્ ને બંને દેશો વચ્ચે શાંતિ સ્થાપિત કરવા માટે સક્રિય થવા અપીલ કરી.
(10:42 AM IST)
છેલ્લા 8 દિવસમાં સૌથી લોકપ્રિય 
