આર્ટ ઓફ લિવિંગને ‘શ્રેષ્ઠ એનજીઓ ઓફ ધ યર ૨૦૨૫' એવોર્ડ મળ્યોઃ સરહદી ગામડાઓ, જેલ પુનર્વસન અને શિક્ષણ ક્ષેત્રે ઉત્કૃષ્ટ કામગીરી માટે સન્માન
બેંગલુરુ, તા.૧: આર્ટ ઓફ લિવિંગ ફાઉન્ડેશને ભારતના સરહદી ગામડાઓમાં વ્યાપક વિકાસ, જેલના કેદીઓના કૌશલ્ય-આધારિત પુનર્વસન અને શિક્ષણ ક્ષેત્રે શાળાઓના પરિવર્તન માટે નોંધપાત્ર કાર્ય કર્યું છે. આ ઉત્કળષ્ટ યોગદાન માટે સંસ્થાને નવી દિલ્હીમાં યોજાયેલા ગ્લોબલ સીએસઆર અને પીએસજી એવોર્ડ્સમાં બ્રાન્ડ હોન્ચોસ અને ઇન્ડિયન સીએસઆર એવોર્ડ્સ દ્વારા ‘વર્ષ ૨૦૨૫નો શ્રેષ્ઠ એનજીઓ' એવોર્ડ એનાયત કરવામાં આવ્યો છે. આ એવોર્ડે સીએસઆર, ટકાઉપણું અને ઈએસજી (પર્યાવરણીય, સામાજિક અને શાસન) ક્ષેત્રે નવીન વિચારો અને પરિવર્તનનું નેતળત્વ કરનારા સ્વપ્નદ્રષ્ટાઓનું સન્માન કર્યું.
વૈશ્વિક હાજરી અને સમાજસેવા
આર્ટ ઓફ લિવિંગના સોશિયલ પ્રોજેક્ટ્સના પ્રમુખ શ્રી પ્રસન્ના પ્રભુએ જણાવ્યું, ‘આજે અમે એક સંગઠન તરીકે ૧૮૦થી વધુ દેશોમાં હાજર છીએ અને લોકોને તેમના સમાજ માટે યોગદાન આપવા પ્રેરિત કરીએ છીએ. ગામડાઓમાં અમે તેમની જરૂરિયાતો પૂછીને કાર્ય શરૂ કર્યું. કેટલાકે પાણી, કેટલાકે શિક્ષણ અને કેટલાકે નોકરીની માગણી કરી. આ બધું હિસ્સેદારો, દાતાઓ, સમુદાયના નેતાઓ અને અમે સેવા આપતા સમુદાયોના સહયોગથી શકય બન્યું.' તેમણે ગુરુદેવ શ્રી શ્રી રવિશંકરના માર્ગદર્શન હેઠળ માનવ મૂલ્યો અને વિકાસના સંનાદેશ સાથે પ્રગતિશીલ ભારત નિર્માણની પ્રતિબદ્ધતા વ્યક્ત કરી.
સહયોગ અને ટકાઉપણું
શ્રી પ્રભુએ એનજીઓ, કોર્પોરેટ અને સરકારી એજન્સીઓને સહયોગ માટે આહ્વાન કર્યું, જેથી મર્યાદિત સંસાધનો વડે વધુ પરિણામો મેળવી શકાય. તેમણે કહ્યું, ‘શ્રેષ્ઠ પ્રથાઓ અપનાવવી અને તેનો પ્રચાર કરવો જોઈએ. ઘણીવાર ઉપલબ્ધ ઉકેલોને ફરીથી શોધવામાં સમય અને સંસાધનો બગડે છે.' તેમણે આર્ટ ઓફ લિવિંગની નવી પહેલનો ઉલ્લેખ કર્યો, જેમાં મ્યુનિસિપલ કચરાને કોલસા, કળત્રિમ ગેસ અને વીજળીમાં રૂપાંતરિત કરવાની પેટન્ટ પ્રક્રિયા અપનાવાઈ છે. ‘કલ્પના કરો, દરેક મોટી ઇમારત કે હોટેલ પોતાના કચરામાંથી ગેસ અને વીજળી ઉત્પન્ન કરે, તે સાચું ટકાઉપણું છે,' તેમણે ઉમેર્યું.
સરહદી ગામડાઓમાં પરિવર્તન
આર્ટ ઓફ લિવિંગના સોશિયલ પ્રોજેક્ટ્સ (એસએસઆરડીપી) દ્વારા સરહદી ગામડાઓમાં શિક્ષણ, ટકાઉપણું અને સશક્તિકરણની ચળવળ ચલાવાઈ રહી છે. સંસ્થાએ ૬૬,૦૦૦થી વધુ સોલાર લેમ્પનું વિતરણ કરી ૧,૬૫,૦૦૦થી વધુ ગ્રામજનોના જીવનમાં સુધારો કર્યો છે. ૧૯૦ ગામડાઓમાં સોલાર સ્માર્ટ સ્કૂલો સ્થપાઈ, જે ૧૭,૦૦૦થી વધુ બાળકોને ટેકનોલોજી-આધારિત શિક્ષણ આપે છે. ૨૦,૦૦૦થી વધુ યુવાનોને સોલાર ટેકનોલોજીની તાલીમ આપવામાં આવી, જેમાં મહિલાઓ અને યુવાનોને આત્મનિર્ભર બનાવવા પર ધ્યાન કેન્દ્રિત કરાયું. ભારતીય સેના સાથેના સહયોગથી યુવાનોમાં નેતળત્વ અને સ્થિતિસ્થાપકતા વિકસાવાઈ. ૨૩ રાજ્યોના ૫૦૦થી વધુ જિલ્લાઓમાં ૧૨૦થી વધુ કૌશલ્ય કેન્દ્રો દ્વારા ૪,૨૦,૦૦૦થી વધુ યુવાનોને ૪૮થી વધુ નોકરીઓ માટે તાલીમ આપવામાં આવી.
મફત શાળાઓ દ્વારા શિક્ષણ
આર્ટ ઓફ લિવિંગ ૨૨ રાજ્યોમાં ૧,૨૬૨ મફત શાળાઓ દ્વારા ૧,૦૦,૦૦૦થી વધુ બાળકોને મૂલ્ય-આધારિત અને સર્વાંગી શિક્ષણ આપી રહી છે. આ શાળાઓ શૈક્ષણિક, જીવન કૌશલ્ય, યોગ અને ડિજિટલ શિક્ષણનું સંયોજન કરે છે, જેમાં લગભગ અડધા વિદ્યાર્થીઓ છોકરીઓ છે. આ પહેલે ડોકટરો, ઇજનેરો, શિક્ષકો અને વકીલો જેવા આત્મવિશ્વાસુ વ્યાવસાયિકો તૈયાર કર્યા છે.
જેલ પુનર્વસન કાર્યક્રમ
ગુરુદેવ શ્રી શ્રી રવિશંકરના ‘દરેક ગુનેગારની અંદર એક પીડિત રડે છે'ના વિચારથી પ્રેરિત, આર્ટ ઓફ લિવિંગના જેલ કાર્યક્રમે જેલોને ઉપચાર અને પ્રગતિના કેન્દ્રોમાં બદલી છે. ૧૯૯૦થી, ભારતની ૨૮ જેલોમાં ૬,૭૦૦થી વધુ કેદીઓને તાલીમ આપવામાં આવી, જેની વૈશ્વિક અસર ૬૫ દેશોના ૮,૦૦,૦૦૦થી વધુ કેદીઓ પર પડી. આ કાર્યક્રમ ભાવનાત્મક ઉપચાર અને વ્યાવસાયિક તાલીમને જોડે છે, જે કેદીઓના પુનર્વસનમાં મદદ કરે છે.
આ એવોર્ડ આર્ટ ઓફ લિવિંગના સર્વાંગી અભિગમને માન્યતા આપે છે, જે ભારતના દૂરના વિસ્તારોમાં શિક્ષણ, સશક્તિકરણ અને ટકાઉપણું દ્વારા સામાજિક-આર્થિક વિકાસને પ્રોત્સાહન આપે છે. સંસ્થાનું કાર્ય નક્કર અને લાંબાગાળાની અસર ઉભી કરી રહ્યું છે, જે ભારતને વધુ સમળદ્ધ અને સુમેળભર્યા રાષ્ટ્ર તરફ લઈ જાય છે.
(3:49 PM IST)
છેલ્લા 8 દિવસમાં સૌથી લોકપ્રિય 
