તા. ૧૭ નવેમ્બર ર૦ર૬ વિક્રમ સંવત ર૦૮૩ કારતક સુદ – ૮ મંગળવાર
News of Wednesday, 9th April 2025
RBI એ GDP વૃદ્ધિનો અંદાજ ઘટાડીને ૬.૫% કર્યો
ટ્રમ્પ ટેરિફની અસર! નાણાકીય વર્ષ ૨૬ માટે ફુગાવાનો અંદાજ ઘટાડીને ૪% કરવામાં આવ્યો

મુંબઈ, તા.૯: ભારતીય રિઝર્વ બેંક એ તેની ત્રણ દિવસીય નાણાકીય નીતિ બેઠક પછી પોલિસી રેટ રેપો રેટમાં ૦.૨૫% ઘટાડીને ૬.૦% કરવાની જાહેરાત કરી. કેન્દ્રીય બેંકે રેપો રેટની સાથે GDP વળદ્ધિ દરનો અંદાજ પણ ઘટાડ્યો છે.
સેન્ટ્રલ બેંકના ગવર્નર સંજય મલ્હોત્રા એ તેમના નિવેદનમાં જણાવ્યું હતું કે અમેરિકાના ટેરિફ પગલાંએ અનિશ્ચિતતાઓમાં વધુ વધારો કર્યો છે. હાલમાં વળદ્ધિ પર તેની અસરનું મૂલ્યાંકન કરવું મુશ્કેલ છે. વળદ્ધિમાં સુધારો થઈ રહ્યો છે. પરંતુ તે આપણી આકાંક્ષા કરતા ઓછો છે, મલ્હોત્રાએ કહ્યું.
ભારતીય રિઝર્વ બેંક એ નાણાકીય વર્ષ ૨૦૨૫-૨૬ માટે GDP વળદ્ધિ દર ૬.૫% રહેવાનો અંદાજ લગાવ્યો છે. આ અગાઉના ૬.૭% ના અંદાજ કરતાં થોડું ઓછું છે. આરબીઆઈએ પણ ફુગાવાનો અંદાજ ઘટાડ્યો છે અને ચાલુ નાણાકીય વર્ષમાં તે ૪% રહેવાનો અંદાજ લગાવ્યો છે. જ્યારે પહેલા તે ૪.૨% હતું.
તે જ સમયે, નાણાકીય નીતિ સમિતિ એ રેપો રેટમાં ૨૫ બેસિસ પોઈન્ટનો ઘટાડો કરીને ૬.૦૦% કર્યો. તેની છેલ્લી બેઠક (૭ ફેબ્રુઆરી) માં, RBI એ રેપો રેટ ૨૫ બેસિસ પોઈન્ટ ઘટાડીને ૬.૨૫% કર્યો હતો. ત્યારથી, કડક યુએસ ટેરિફને કારણે આર્થિક અનિશ્ચિતતા વધી છે. આનાથી કેન્દ્રીય બેંક તરફથી વ્યાજ દરમાં ઘટાડાની અપેક્ષાઓ વધી ગઈ.રિઝર્વ બેંકે ફુગાવાના દરનો અંદાજ અગાઉના ૪.૨ ટકાથી ઘટાડીને ૪ ટકા કર્યો. સારા કળષિ ઉત્પાદન અને કાચા તેલના ભાવમાં ઘટાડાને ધ્યાનમાં રાખીને, RBI એ ફુગાવાના દરનો અંદાજ ઘટાડ્યો છે.
(4:23 PM IST)









છેલ્લા 8 દિવસમાં સૌથી લોકપ્રિય 
