ગોપાલગંજ તા.૮: બિહારના ગોપાલગંજથી એક અત્‍યંત દુઃખદ ઘટના સામે આવી છે. આ ઘટનામાં એક કિશોરીનું લાંબા વાળના કારણે મોત થયું છે. આ મનમાં  પ્રશ્ન પડે તેવો અકસ્‍માત એટલો આઘાતજનક છે કે કોઈને તરત જ વિશ્વાસ ન આવે. એવું કહેવામાં આવી રહ્યું છે કે કિશોરી ગૅસનો ચૂલો ચાલુ કરી રહી હતી અને તેણે માચીસ સળગાવતા જ ચૂલામાંથી નીકળતી આગ તેના કપડાં અને વાળમાં લાગી લઈ ગઈ હતી. આ આગને કારણે તે યુવતી ગંભીર રીતે દાઝી ગઈ હતી, જેથી તેને તરત જ હૉસ્‍પિટલમાં દાખલ કરવામાં આવી હતી, પરંતુ તેને બચાવી શકાઈ નહીં. આ અકસ્‍માત બાદ પ્રશાસને આ સમગ્ર ઘટનાની તપાસ શરૂ કરી દીધી છે.

મળેલા અહેવાલ મુજબ, આ ઘટના બૈકુંઠપુર પોલીસ સ્‍ટેશન વિસ્‍તારના ફૈઝુલ્લાહપુર ગામમાં બની હતી જ્‍યાં ગૅસ સિલિન્‍ડરમાં આગ લાગવાથી ૧૩ વર્ષની રવિના કુમારીનું ગંભીર રીતે દાઝી જવાથી દર્દનાક મળત્‍યુ થયું હતું. આ અકસ્‍માતમાં રવિ -સાદની દીકરી રવિનાના મળત્‍યુ બાદ પરિવારમાં શોકનો માહોલ ફેલાયો છે. પરિવારના સભ્‍યોના જણાવ્‍યા મુજબ, રવિના ચા બનાવવા માટે ગૅસનો ચૂલો ચાલુ કરી રહી હતી. તેણે માચીસ સળગાવતા જ ગૅસના ચૂલામાંથી નીકળતી આગ તેના વાળ અને કપડાંને લાગી ગઈ. ગંભીર રીતે દાઝી ગયેલા રવિનાને તાત્‍કાલિક ગોરખપુર મેડિકલ કૉલેજ હૉસ્‍પિટલમાં દાખલ કરવામાં આવી હતી, પરંતુ સારવાર દરમિયાન તેનું મોત નીપજ્‍યું હતું.

રવિનાના પિતા રવિ -સાદે જણાવ્‍યું હતું કે આ ઘટના બાદ પરિવારમાં શોકનું વાતાવરણ ફેલાયું છે. રવિનાના મળત્‍યુથી પરિવાર અને ગામમાં ઘેરા શોકની લાગણી છે. પરિવારના સભ્‍યોએ જણાવ્‍યું કે રવિનાને લાંબા વાળ ખૂબ જ ગમતા હતા, પરંતુ કોઈએ વિચાર્યું ન હતું કે લાંબા વાળ જ તેના મળત્‍યુનું કારણ બની જશે. આ અકસ્‍માત બાદ, વહીવટીતંત્રે કેસની તપાસ શરૂ કરી દીધી છે અને લોકોને ભવિષ્‍યમાં આવા અકસ્‍માતો ન બને તે માટે સાવચેત રહેવાની અપીલ કરી છે.

ગોપાલગંજ પોલીસ અને ફાયર વિભાગ અકસ્‍માતના કારણ અંગે સંપૂર્ણ માહિતી એકત્ર કરવામાં વ્‍યસ્‍ત છે. આ ઘટના ફરી એકવાર સાબિત કરે છે કે ગૅસ સ્‍ટોવનો ઉપયોગ કરતી વખતે ખૂબ કાળજી રાખવી જોઈએ. ખાસ કરીને જો કોઈના વાળ લાંબા હોય, તો ગૅસ સ્‍ટવ પાસે જતા પહેલા સાવચેત રહો અને સલામતીની સાવચેતી રાખો. તે જ સમયે, આગની નજીક કોઈપણ કામ કરતી વખતે સુતરાઉ કપડાં પહેરવા સૌથી સલામત છે. આ સાથે પોલીસ અને -શાસન એની પણ તપાસ કરી રહ્યા છે કે આ ઘટના ગૅસ સિલેન્‍ડરમાં કોઈ સર્જાયેલી ખામીને લીધે બની હતી કે પછી આ પાછળ બીજું કોઈ કારણ?