મુંબઈ :વિશ્વભરના ક્રિકેટ ચાહકો હાલમાં IPL 2025ના ઉત્સાહમાં ખોવાયેલા છે, પરંતુ આ દરમિયાન ICC એ ત્રણેય ફોર્મેટની તાજા રેન્કિંગ જાહેર કરી છે. 21 દિવસ પહેલા સુધી ભાગ્યે જ કોઈ જાણતું હતું તે બોલર ICC T20I રેન્કિંગમાં ટોચ પર પહોંચી ગયો છે. અમે વાત કરી રહ્યા છીએ ન્યુઝીલેન્ડના ઘાતક ફાસ્ટ બોલર જેકબ ડફી વિશે, જેણે ICC T20 રેન્કિંગમાં મોટી છલાંગ મારી છે અને હવે તે ટોચ પર પહોંચી ગયો છે.

રસપ્રદ વાત એ છે કે ન્યૂઝીલેન્ડના જેકબ ડફીનો ટીમ ઈન્ડિયાના સ્ટાર ખેલાડી હાર્દિક પંડ્યા સાથે ખાસ સંબંધ છે. ICC એ હાર્દિકને પણ ખૂબ ખુશ કર્યો છે. જો આપણે T20I ક્રિકેટમાં ઓલરાઉન્ડરોની વાત કરીએ તો, દુનિયામાં હાર્દિક જેવો કોઈ નથી અને આ જ કારણે તે ઓલરાઉન્ડરોની રેન્કિંગમાં નંબર 1 છે.

ન્યુઝીલેન્ડના ફાસ્ટ બોલર જેકબ ડફીએ 21 દિવસમાં મોટી છલાંગ લગાવી છે. ડફીને પાકિસ્તાન સામેની ટી20 શ્રેણીમાં તેના ઉત્તમ પ્રદર્શન બદલ પુરસ્કાર આપવામાં આવ્યો છે. આ પહેલા 12 માર્ચે જ્યારે ICC એ રેન્કિંગ જાહેર કર્યું હતું, ત્યારે કિવી બોલર T20 રેન્કિંગમાં 35મા ક્રમે હતો. 26 માર્ચે જાહેર કરાયેલા રેન્કિંગમાં તેને મોટી છલાંગ મારી છે અને તે પાંચમા ક્રમે પહોંચી ગયો. હવે, 2 એપ્રિલે ICC દ્વારા જાહેર કરાયેલા નવીનતમ રેન્કિંગ અનુસાર જેકબ ડફી T20 આંતરરાષ્ટ્રીયમાં ટોચ પર પહોંચી ગયો છે. આ પહેલી વાર બન્યું જ્યારે ડફી કોઈપણ ફોર્મેટમાં નંબર 1 રેન્કિંગ પર રહ્યો. આ સાથે, તે 2018માં ઇશ સોઢી પછી ટી20 રેન્કિંગમાં ટોચ પર રહેનાર ન્યુઝીલેન્ડનો પ્રથમ બોલર બન્યો છે.

ટીમ ઈન્ડિયાના સ્ટાર ઓલરાઉન્ડર હાર્દિક પંડ્યા અને ન્યુઝીલેન્ડના જેકબ ડફી વચ્ચે એક સમાનતા જોવા મળી છે. બંનેની પત્નીનું નામ એક જ છે. હા, જેકબ ડફીએ 14 એપ્રિલ 2023ના રોજ નતાશા સાથે લગ્ન કર્યા. ડફીની પત્ની સોશિયલ મીડિયા પર બહુ સક્રિય નથી પરંતુ તે ઘણી વખત મેચ દરમિયાન તેના પતિને સપોર્ટ કરવા માટે સ્ટેડિયમમાં જોવા મળી હતી.

હાર્દિક પંડ્યાની પત્નીનું નામ પણ નતાશા છે. જોકે, હવે બંને અલગ થઈ ગયા છે. ગયા વર્ષે જુલાઈમાં હાર્દિક અને નતાશાએ પરસ્પર સંમતિથી છૂટાછેડા લેવાનો નિર્ણય લીધો હતો. બંનેને એક પુત્ર પણ છે જેનું નામ અગસ્ત્ય છે.