નવી દિલ્હી : લોકસભામાં વક્ફ સુધારા બિલ પર બોલતા ગૃહમંત્રી અમિતભાઈ  શાહે કહ્યું કે તેઓ આ બિલને સમર્થન આપી રહ્યા છે. તેમણે સવારના 12 વાગ્યાથી ચાલી રહેલી ચર્ચા ધ્યાનથી સાંભળી અને કહ્યું કે કેટલાક લોકો અજાણતાં અથવા રાજકીય કારણોસર ભ્રમ ફેલાવી રહ્યા છે.

 વકફનો અર્થ સમજાવતા તેમણે કહ્યું કે તે એક અરબી શબ્દ છે, જેનો ઇતિહાસ ઇસ્લામિક પરંપરાઓ સાથે જોડાયેલો છે. તેનો અર્થ એ છે કે અલ્લાહના નામે મિલકતનું દાન કરવું, જે ઇસ્લામના બીજા ખલીફા ઉમરના સમયમાં અસ્તિત્વમાં આવી હતી.
શાહે સ્પષ્ટતા કરી કે દાન ફક્ત પોતાની મિલકતનું જ આપી શકાય છે, કોઈ સરકાર કે બીજા કોઈની મિલકતનું નહીં. તેમણે કહ્યું કે આ મુદ્દા પર સમગ્ર ચર્ચા ચાલી રહી છે અને કિરેન રિજિજુ તેનો વિગતવાર જવાબ આપશે.