નવી દિલ્હી તા.૨ : પ્રતિબંધિત નક્સલવાદી સંગઠન સીપીઆઈ (માઓવાદી) ની સેન્ટ્રલ કમિટીએ મધ્ય ભારતમાં યુદ્ધ તાત્કાલિક બંધ કરવાની હાકલ કરી છે.છત્તીસગઢમાં ઝડપી એન્કાઉન્ટર બાદ નક્સલીઓ ડરી ગયા છે. નક્સલવાદનો નાશ થતો જોઈને, પ્રતિબંધિત નક્સલવાદી સંગઠન સીપીઆઈ (માઓવાદી) ની સેન્ટ્રલ કમિટીએ મધ્ય ભારતમાં તાત્કાલિક યુદ્ધ બંધ કરવાની હાકલ કરી છે. સમિતિએ શાંતિ વાટાઘાટોને સરળ બનાવવા માટે ભારત સરકાર અને સીપીઆઈ (માઓવાદી) બંને પાસેથી બિનશરતી યુદ્ધવિરામની માંગણી કરી છે.

સમિતિએ જણાવ્યું હતું કે ભારતીય જનતા પાર્ટી (ભાજપ) ની આગેવાની હેઠળની કેન્દ્ર સરકારે રાજ્ય સરકારો સાથે મળીને માઓવાદી પ્રભાવિત વિસ્તારોને નિશાન બનાવીને 'કાગર' નામનું સઘન આતંકવાદ વિરોધી અભિયાન શરૂ કર્યું હતું. આ ઝુંબેશના પરિણામે વ્યાપક હિંસા, હત્યાઓ અને સામૂહિક ધરપકડો થઈ છે. આ કાર્યવાહી દરમિયાન 400 થી વધુ માઓવાદી નેતાઓ, કાર્યકરો અને આદિવાસી નાગરિકો માર્યા ગયા હોવાના અહેવાલ છે.

માઓવાદીઓએ શાંતિ મંત્રણા માટે કેટલીક શરતો પણ મૂકી છે, જેમાં અસરગ્રસ્ત આદિવાસી વિસ્તારોમાંથી સુરક્ષા દળોને તાત્કાલિક પાછા ખેંચવા, નવી લશ્કરી તૈનાતીનો અંત અને આતંકવાદ વિરોધી કામગીરી સ્થગિત કરવાનો સમાવેશ થાય છે. સંગઠને સરકાર પર ક્રાંતિકારી ચળવળોને દબાવવા માટે આદિવાસી સમુદાયો સામે 'નરસંહાર યુદ્ધ' ચલાવવાનો આરોપ મૂક્યો છે. ઉપરાંત, નાગરિક વિસ્તારોમાં લશ્કરી દળોનો ઉપયોગ ગેરબંધારણીય હોવાનું કહેવાય છે. માઓવાદીઓએ બૌદ્ધિકો, માનવાધિકાર સંગઠનો, પત્રકારો, વિદ્યાર્થીઓ અને પર્યાવરણ કાર્યકરોને શાંતિ વાટાઘાટો માટે સરકાર પર દબાણ લાવવા વિનંતી કરી. વાટાઘાટોને વેગ આપવા માટે રાષ્ટ્રવ્યાપી ઝુંબેશ ચલાવવાની પણ હાકલ કરવામાં આવી હતી.

માઓવાદીઓએ શાંતિ વાટાઘાટો માટે તૈયારી બતાવી છે અને જો સરકાર તેમની પૂર્વશરતો સ્વીકારે તો સંવાદમાં ભાગ લેવાની તૈયારી દર્શાવી છે. સીપીઆઈ (માઓવાદી) એ કહ્યું છે કે સરકાર લશ્કરી કાર્યવાહી બંધ કરશે કે તરત જ તેઓ યુદ્ધવિરામની જાહેરાત કરશે. નક્સલીઓની અપીલ એવા સમયે આવી છે.

માઓવાદીઓએ શાંતિ વાટાઘાટો માટે તૈયારી બતાવી છે અને જો સરકાર તેમની પૂર્વશરતો સ્વીકારે તો સંવાદમાં ભાગ લેવાની તૈયારી દર્શાવી છે. સીપીઆઈ (માઓવાદી) એ કહ્યું છે કે સરકાર લશ્કરી કાર્યવાહી બંધ કરશે કે તરત જ તેઓ યુદ્ધવિરામની જાહેરાત કરશે. નક્સલીઓની અપીલ એવા સમયે આવી છે જ્યારે બે દિવસ પછી, કેન્દ્રીય ગૃહમંત્રી અમિતભાઈ શાહ 4 એપ્રિલની સાંજે છત્તીસગઢની બે દિવસીય મુલાકાતે રાજધાની રાયપુરની મુલાકાતે જવાના છે.

આ દરમિયાન શાહ રાજ્યના અગ્રણી નેતાઓ અને અધિકારીઓ સાથે મુલાકાત કરશે. ૫ એપ્રિલે, શાહ બસ્તરના દંતેવાડા જિલ્લાની મુલાકાત લેશે, જ્યાં તેઓ બસ્તર પાંડુમ મહોત્સવના સમાપન સમારોહમાં ભાગ લેશે. આ ઉપરાંત, તેઓ નક્સલ વિરે ઓપરેશન કમાન્ડરો સાથે પણ વાતચીત કરશે. દરમિયાન, અક દિવસ પહેલા, છત્તીસગઢના નાયબ મુખ્યમંત્રી વિજય શર્માએ મંગળવારે સ્પષ્ટતા કરી હતી કે સરકાર નક્સલ પ્રભાવિત વિસ્તારોમાં એક પણ ગોળી ચલાવવા માંગતી નથી. કેન્દ્ર સરકાર કે રાજ્ય સરકાર આ દિશામાં હિંસાને પ્રોત્સાહન આપવા માંગતી નથી.