ભારત કરતાં અમેરિકામાં ૬૯૭ અબજોપતિ વધારેઃ ફોબ્સે
ફોર્બ્સ મેગેઝિનની વૈશ્વિક અબજોપતિઓની ૩૯મી વાર્ષિક યાદી બહાર પાડવામાં આવી છે. આ યાદીમાં પહેલીવાર ૩,૦૨૮ લોકોને સ્થાન મળ્યું છે વિશ્વના આ અબજોપતિઓની કુલ સંપત્તિ અમેરિકા અને ચીન સિવાય વિશ્વના દરેક દેશના GDP કરતા વધુ છે. ભારતમાં અબજોપતિઓની સંખ્યા ગયા વર્ષે ૨૦૦ હતી તેની સરખામણીમાં વધીને ૨૦૫ થઈ ગઈ છે
ન્યુયોર્ક તા.૨: ફોર્બ્સ મેગેઝિનની વૈશ્વિક અબજોપતિઓની ૩૯મી વાર્ષિક યાદી બહાર પાડવામાં આવી છે. આ પહેલી વાર છે જ્યારે વિશ્વભરમાં અબજોપતિઓની વસ્તી ૩,૦૦૦ ના આંકડાને વટાવી ગઈ છે. પ્રથમ વખત, વિશ્વભરમાંથી રેકોર્ડ ૩,૦૨૮ લોકોએ આ યાદીમાં સ્થાન મેળવ્યું છે, જે ગયા વર્ષ કરતા ૨૪૭ વધુ છે. આ બધા લોકોની કુલ સંપત્તિ રેકોર્ડ ૧૬.૧ ટ્રિલિયન ડોલર છે, જે એક વર્ષ પહેલા કરતા ૨ ટ્રિલિયન ડોલર વધુ છે. આ રીતે, વિશ્વના આ અબજોપતિઓની કુલ સંપત્તિ અમેરિકા અને ચીન સિવાય વિશ્વના દરેક દેશના GDP કરતા વધુ છે. તેમની સરેરાશ સંપત્તિ હવે ઼૫.૩ બિલિયન છે, જે ૨૦૨૪ કરતાં ઼૨૦૦ મિલિયન વધુ છે.
ટોચના ૧૫ લોકો પાસે ૧૫૦૦ અબજોપતિઓ કરતાં વધુ સંપત્તિ છે
આ પહેલી વાર છે જ્યારે ૨૦૦ બિલિયન ડોલરથી વધુની સંપત્તિ ધરાવતા ત્રણ લોકો યાદીમાં સામેલ થયા છે, અને ૧૦૦ બિલિયન ડોલરના ક્લબમાં રેકોર્ડ ૧૫ સભ્યો પણ છે. આ ૧૫ સેન્ટિબિલિયોનેર્સની સંયુક્ત સંપત્તિ ૨.૪ ટ્રિલિયન ડોલર છે, જે સૌથી નીચેના ૧,૫૦૦ અબજોપતિઓની સંયુક્ત સંપત્તિ કરતાં વધુ છે.
ટોચના અબજોપતિઓ અમેરિકાના છે
એલોન મસ્ક $૩૪૨ બિલિયન
માર્ક ઝુકરબર્ગ $૨૧૬ બિલિયન
જેફ બેઝોસ $૨૧૫ બિલિયન
લેરી એલિસન $૧૯૨ બિલિયન
આર્નોલ્ટ $૧૭૮ બિલિયન
ત્રણ દેશોમાં ૫૦ ટકાથી વધુ અબજોપતિઓ છે
અમેરિકા ૯૦૨
ચીન (હોંગકોંગ સહિત) ૫૧૬
ભારત ૨૦૫
આ વખતે યાદીમાં ૨૮૮ નવા ચહેરા છે
પહેલી વાર, આ યાદીમાં રોક સ્ટાર બ્રુસ સ્પિં્રગસ્ટીન, ફિલ્મ સ્ટાર આર્નોલ્ડ શ્વાર્ઝેનેગર અને હાસ્ય કલાકાર જેરી સીનફેલ્ડ, તેમજ એન્થ્રોપિક, ક્વોરવીવ અને ડીપસીક જેવી અનેક એઆઈ કંપનીઓના સ્થાપકોનો સમાવેશ થાય છે.
યાદીમાં ૪૦૬ મહિલાઓ, ૧૧૩ સ્વ-નિર્મિત
આ વર્ષે, વિશ્વના અબજોપતિઓની યાદીમાં ૧૩.૪ ટકા મહિલાઓ છે, જ્યારે ગયા વખતે ૧૩.૩ ટકા મહિલાઓ હતી. વોલમાર્ટની વારસદાર એલિસ વોલ્ટન ૧૦૧ બિલિયન ડોલર સાથે વિશ્વની સૌથી ધનિક મહિલા છે. ફોર્બ્સ અનુસાર, યાદીમાં ફક્ત ૧૧૩ મહિલા અબજોપતિઓ સ્વ-નિર્મિત છે. જ્યારે યાદીમાં કુલ ૬૭ ટકા અબજોપતિઓ સ્વ-નિર્મિત છે.
ટ્રમ્પ પણ આ યાદીમાં સામેલ છે
આ યાદીમાં અમેરિકાના રાષ્ટ્રપતિ ડોનાલ્ડ ટ્રમ્પ પણ છે અને ૨૦૨૪ તેમના માટે ખૂબ જ સફળ વર્ષ રહ્યું છે. ૨૦૨૪માં ટ્રમ્પની સંપત્તિ ૨.૩ બિલિયન ડોલરથી વધીને ૫.૧ બિલિયન ડોલર થઈ ગઈ. વધુમાં, તેમના વહીવટમાં ઓછામાં ઓછા દસ અબજોપતિઓ અને અબજોપતિ યુગલોનો સમાવેશ થાય છે.
મુકેશ અંબાણી ભારતમાં યાદીમાં ટોચ પર છે
ભારતમાં અબજોપતિઓની સંખ્યા ગયા વર્ષે ૨૦૦ હતી તેની સરખામણીમાં વધીને ૨૦૫ થઈ ગઈ છે. તેમની કુલ સંપત્તિ ઼૯૪૧ બિલિયન હોવાનો અંદાજ છે. પરંતુ તેમની કુલ સંપત્તિ ગયા વર્ષે ૯૫૪ બિલિયન ડોલરની સરખામણીમાં ઘટીને ૯૪૧ બિલિયન ડોલર થઈ ગઈ છે. ટોચના ૧૦ અબજોપતિઓની કુલ સંપત્તિ પણ ગયા વર્ષની સરખામણીમાં ઼૫૬ બિલિયન ઘટીને ઼૩૩૭ બિલિયન થઈ ગઈ. મુકેશ અંબાણી ૯૨.૫ બિલિયન ડોલરની સંપત્તિ સાથે યાદીમાં ટોચ પર છે. ગૌતમ અદાણી (઼૫૬.૩ બિલિયન) અને સાવિત્રી જિંદાલ (઼૩૫.૫ બિલિયન) આ યાદીમાં બીજા ક્રમે છે
(11:09 AM IST)
છેલ્લા 8 દિવસમાં સૌથી લોકપ્રિય 
