નવી દિલ્‍હી,તા.૨: કરવેરા પગલાં અને સતત નાણાકીય સરળતાના બળ પર ૧ એપ્રિલથી શરૂ થતા નવા નાણાકીય વર્ષ ૨૦૨૫-૨૬ માં ભારતનો વિકાસ દર ૬.૫ ટકા રહેશે, જે વિકસિત અને ઉભરતા G-20 દેશોમાં સૌથી વધુ હશે. આ સાથે, દેશ મૂડી આકર્ષવાનું ચાલુ રાખશે અને કોઈપણ વિદેશી મૂડીના પ્રવાહનો સરળતાથી સામનો કરી શકશે.

મંગળવારે પ્રકાશિત થયેલા ઉભરતા બજારો પરના અહેવાલમાં મૂડીઝ રેટિંગ્‍સે જણાવ્‍યું હતું કે, અમેરિકન નીતિઓમાં અનિﾍતિતા મૂડીના બહાર જવાના જોખમમાં વધારો કરશે, પરંતુ ભારત અને બ્રાઝિલ જેવા મોટા ઉભરતા બજારો તેમની સ્‍થાનિક લક્ષી અર્થવ્‍યવસ્‍થાઓ, મોટા સ્‍થાનિક મૂડી બજારો, નીતિ વિશ્વસનીયતા અને પર્યાપ્ત વિદેશી વિનિમય અનામતને કારણે આવી સ્‍થિતિમાં વૈશ્વિક મૂડી આકર્ષવા અને જાળવી રાખવા માટે વધુ સારી સ્‍થિતિમાં છે.

રેટિંગ એજન્‍સીએ જણાવ્‍યું હતું કે, સૌથી ઝડપથી વિકસતા અર્થતંત્રોમાં આર્થિક પ્રવળત્તિ ટોચના સ્‍તરથી થોડી ધીમી પડશે પરંતુ આ વર્ષે અને આગામી વર્ષે તે મજબૂત રહેશે. ચીનમાં, નિકાસ અને માળખાગત સુવિધાઓ અને પ્રાથમિકતા ધરાવતા ઉચ્‍ચ-ટેકનોલોજી ક્ષેત્રોમાં રોકાણ વળદ્ધિના મુખ્‍ય પ્રેરક પરિબળો રહ્યા છે, જ્‍યારે સ્‍થાનિક વપરાશ નબળો રહે છે. ભાવ મોરચે, મૂડીઝે જણાવ્‍યું હતું કે ભારતમાં ફુગાવો ૨૦૨૫-૨૬ માં ૪.૯ ટકાથી ઘટીને ૪.૫ ટકા થઈ શકે છે.