બુલેટ ટ્રેન પ્રોજેક્ટ ધીમી ગતિએઃ અત્યાર સુધી માત્ર ૬૦% કામ પૂર્ણ
પ્રોજેક્ટમાં વિલંબને કારણે તેનો ખર્ચ બમણો થવાની શકયતા
નવી દિલ્હી, તા.૩૧: દેશની પહેલી બુલેટ ટ્રેન ૨૦૨૬ માં ટ્રાયલ રન શરૂ કરશે પરંતુ લોકોએ તેની સવારીનો આનંદ માણવા માટે લાંબો સમય રાહ જોવી પડશે. એવું માનવામાં આવે છે કે બુલેટ ટ્રેનનો પહેલો વ્યાપારી દોડ ૨૦૨૮ ના અંત સુધીમાં જ શકય બનશે. એવો દાવો કરવામાં આવી રહ્યો છે કે અત્યાર સુધીમાં ૬૦ ટકા કામ પૂર્ણ થઈ ગયું છે. જોકે, આ પ્રોજેક્ટ પહેલાથી જ ચાર વર્ષ મોડો ચાલી રહ્યો છે.
મુંબઈ-અમદાવાદ બુલેટ ટ્રેન પ્રોજેક્ટ ૧૪ સપ્ટેમ્બર ૨૦૧૭ ના રોજ શરૂ કરવામાં આવ્યો હતો. પ્રારંભિક ખર્ચ રૂ.૧.૦૮ લાખ કરોડ અંદાજવામાં આવ્યો હતો. જોકે, આ પ્રોજેક્ટ લગભગ ચાર વર્ષ વિલંબિત થયો છે, જેના કારણે ખર્ચમાં વધારો થવાની ધારણા છે. પ્રોજેક્ટમાં વિલંબ થવાથી ખર્ચ રૂ. ૧.૬૫ લાખ કરોડથી વધીને રૂ. ૨ લાખ કરોડ થઈ શકે છે.
રેલ્વે મંત્રી અશ્વિની વૈષ્ણવના જણાવ્યા અનુસાર, ૫૦૮ કિમીના ટ્રેકમાં અત્યાર સુધીમાં ૩૬૦ કિમીનું કામ પૂર્ણ થઈ ગયું છે. જેમાં પુલ, ટનલ અને સ્ટેશનનો સમાવેશ થાય છે. આ માહિતી મુજબ, ૭૦% સિવિલ કાર્ય પૂર્ણ થઈ ગયું છે પરંતુ અન્ય કામો હજુ પણ પાછળ છે. આવી સ્થિતિમાં, પ્રોજેક્ટનું માત્ર ૬૦ ટકા કામ પૂર્ણ થયું છે. બુલેટ ટ્રેન કોરિડોરમાં કુલ ૧૨ સ્ટેશન હશે. આમાં ગુજરાતના ૮ સ્ટેશનો, સાબરમતી, અમદાવાદ આણંદ-નડિયાદ, વડોદરા, ભરૂચ, વાપી, બિલીમોરા, સુરત અને મહારાષ્ટ્રના ૪ સ્ટેશનો - મુંબઈ, થાણે, વિરાર, બોઇસરનો સમાવેશ થાય છે. આ પ્રોજેક્ટનો ૩૪૮ કિમી ગુજરાતમાં, ૪ કિમી દાદરા નગર હવેલીમાં અને ૧૫૬ કિમી મહારાષ્ટ્રમાં છે.
૨૮૩ કિમી વાયડક્ટ પૂર્ણ, ૪૬૫ બાંધવામાં આવશે. - ૩૧૨ કિમી ગર્ડર કાસ્ટિંગ - ૩૯૪ કિમી પિયર વર્ક્સ - ૧૪ નદી પુલ બનાવવામાં આવ્યા - ૬ સ્ટીલ પુલ અને ૫ PSC પુલ બનાવવામાં આવ્યા હતા. -૧૨૬ કિમીમાં ઘોંઘાટ અવરોધો સ્થાપિત કરવામાં આવ્યા છે. - ૬ સ્ટેશનોનું માળખાકીય કાર્ય પૂર્ણ, કુલ ૧૨ સ્ટેશન -ગુજરાત ભાગમાં ઓવરહેડ ઇલેક્ટ્રિફિકેશનનું કામ શરૂ થયું - ૨ કિલોમીટર પાણીની અંદરની ટનલનું કામ પૂર્ણ થયું -૨૧ કિલોમીટર ટનલનું કામ ચાલુ છે - મહારાષ્ટ્રમાં ત્રણેય એલિવેટેડ સ્ટેશનો પર કામ શરૂ થયું. (રર.૫)
(11:37 AM IST)
છેલ્લા 8 દિવસમાં સૌથી લોકપ્રિય 
