મ્યાનમારમાં આવેલા વિનાશક ભૂકંપ બાદ ભારતે ઝડપથી રાહત કાર્ય શરૂ કરી દીધું છે. વિદેશ મંત્રાલયના પ્રવક્તા રણધીર જયસ્વાલે જણાવ્યું હતું કે ભારતીય વાયુસેનાનું C-130 વિમાન 80 સભ્યોની NDRF બચાવ ટીમ સાથે નાયપીડો પહોંચી ગયું છે. મ્યાનમારમાં ભારતીય રાજદૂત અભય ઠાકુર અને મ્યાનમાર વિદેશ મંત્રાલયના રાજદૂત મા મૌંગ લિન દ્વારા તેનું સ્વાગત કરવામાં આવ્યું હતું. ઓપરેશન બ્રહ્મા હેઠળ, ભારત રાહત અને બચાવ કામગીરીમાં શક્ય તમામ મદદ પૂરી પાડી રહ્યું છે.