નવી દિલ્હી :દિલ્હીના શાહદરામાં એક ફ્લેટમાંથી પલંગની અંદર ધાબળામાં લપેટાયેલી એક મહિલાનો વિકૃત મૃતદેહ મળી આવ્યો હતો. પોલીસે જણાવ્યું કે મકાનમાલિક વિવેકાનંદ મિશ્રાની ધરપકડ કરવામાં આવી છે. પોલીસે મિશ્રાની ઉંમર ૫૫ થી ૬૦ વર્ષની વચ્ચે જણાવી છે. 
   પોલીસે જણાવ્યું હતું કે મહિલાની ઉંમર 35 થી 40 વર્ષની વચ્ચે હશે અને તેની ઓળખ હજુ સુધી થઈ નથી. પોલીસે એક નિવેદનમાં જણાવ્યું હતું કે વિવેક વિહાર પોલીસ સ્ટેશનને આ વિસ્તારમાં આવેલા એક ડીડીએ ફ્લેટમાંથી દુર્ગંધ આવતી હોવાની માહિતી મળી હતી. "જ્યારે પોલીસ ઘટનાસ્થળે પહોંચી, ત્યારે તેમને ઘર અંદરથી બંધ જોવા મળ્યું અને પાછળના દરવાજા પાસે લોહીના ડાઘ હતા," ડેપ્યુટી કમિશનર ઓફ પોલીસ (શાહદરા) પ્રશાંત ગૌતમે નિવેદનમાં જણાવ્યું હતું. 
   તેમણે કહ્યું કે પરિસર ખોલતાં જ પલંગની અંદર એક મહિલાનો વિકૃત મૃતદેહ મળી આવ્યો, જે ધાબળામાં લપેટાયેલી હતી. તેમણે કહ્યું કે મહિલાએ લાલ બંગડીઓ પહેરી હતી, તેથી તે પરિણીત લાગી રહી હતી. એક વરિષ્ઠ પોલીસ અધિકારીએ જણાવ્યું હતું કે હત્યા બે થી ત્રણ દિવસ પહેલા થઈ હોય તેવું લાગે છે. 
   સૂત્રોએ જણાવ્યું હતું કે પ્રાથમિક તપાસ દરમિયાન પોલીસને જાણવા મળ્યું કે મિશ્રા ગુરુવારે રાત્રે અને શુક્રવારે બપોરે ફ્લેટમાં આવ્યો હતો. પોલીસે જણાવ્યું હતું કે ફોરેન્સિક ટીમોએ સ્થળનું નિરીક્ષણ કર્યું છે અને તપાસ ચાલુ છે.