<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Saturday, 22nd March 2025

બેંક કર્મચારી સંગઠનોએ પોતાની બે-દિવસીય રાષ્ટ્રવ્‍યાપી હડતાળ ટાળી

ભારતીય બેંક સંઘ (IBA) અને નાણાકીય મંત્રાલયના પ્રતિનિધિઓએ કર્મચારી સંગઠનોની માંગણીઓ પર વિચાર કરવાનું આશ્‍વાસન આપ્‍યું

મુંબઇ, તા.૨૨: બેંક કર્મચારી સંગઠનોએ  નાણાકીય મંત્રાલય અને IBA થી પોતાની માંગ પર સકારાત્‍મક આશ્વાસન મળ્‍યા બાદ પોતાની બે-દિવસીય રાષ્ટ્રવ્‍યાપી હડતાળ ટાળી દીધી. પૂર્વ-નિર્ધારિત કાર્યક્રમ અનુસાર, દેશભરના બેંકોમાં સોમવારથી બે-દિવસીય હડતાળ શરૂ થવાની હતી.

નવ બેંક કર્મચારી સંઘોના એકીકળત નિકાય યુનાઈટેડ ફોરમ ઓફ બેંક યુનિયન્‍સ (UFBU) એ ૨૪-૨૫ માર્ચે હડતાળનું આહવાન કર્યું હતું. બેંક કર્મચારી યુનિયનોની મુખ્‍ય માંગણીઓમાં કાર્યકારી સપ્‍તાહને પાંચ દિવસ સુધી વધારવા અને તમામ કર્મચારી કેડરમાં પૂરતી ભરતીનો સમાવેશ થાય છે.

પ્રસ્‍તાવિત હડતાળને તળવાનો નિર્ણય મુખ્‍ય શ્રમ આયુક્‍તના સમક્ષ લેવામાં આવ્‍યો, જેમને તમામ પક્ષોને સમાધાન બેઠક માટે બોલાવ્‍યા હતા. ભારતીય બેંક સંઘ (IBA) અને નાણાકીય મંત્રાલયના પ્રતિનિધિઓએ કર્મચારી સંગઠનોની માંગણીઓ પર વિચાર કરવાનું આશ્વાસન આપ્‍યું છે. 

UFBU એ કર્મચારીઓના પ્રદર્શનની સમીક્ષા અને તેનાથી જોડાયેલા પ્રોત્‍સાહન (PLI) પર નાણાકીય સેવા વિભાગ (DFS) તાજેતરની સૂચનાઓ તાત્‍કાલિક પાછી ખેંચવાની માંગ પણ કરવામાં આવી હતી. કર્મચારી સંગઠનનું કહેવું છે કે આ નિર્દેશથી નોકરીની સુરક્ષા જોખમાય છે અને કર્મચારીઓ વચ્‍ચે વિભાજન પેદા થાય છે. વાતચીતમાં કયા-કયા મુદ્દા ઉઠયા?

IBA સાથે થયેલી બેઠકમાં UFBU થી જોડાયેલા તમામ કર્મચારી સંઘોએ ઘણી મહત્‍વપૂર્ણ માંગો ઉઠાવી છે.

જેમાં તમામ કેડરમાં ભરતી અને પાંચ દિવસીય કાર્ય સપ્‍તાહ સામેલ છે. આ માંગો પર તાજેતરમાં જ નાણાકીય મંત્રાલય તરફથી આશ્વાસન મળ્‍યું છે, જેના કારણે UFBU ના હડતાળને ટાળી દીધી છે.

(12:15 PM IST)