મોંઘવારી ઘટી, ઔદ્યોગિક ઉત્પાદન વધ્યું, મૂડીઝે આપ્યા ગુડ ન્યુજ
હોળી પહેલા ભારતીય અર્થતંત્ર માટે સારા સમાચાર : આર્થિક મોરચે સારા સમાચાર આવ્યા છે. ફેબ્રુઆરીમાં છુટક ફુગાવો ઘટીને સાત મહિનાના નીચલા સ્તરે પહોંચ્યો હતો જ્યારે જાન્યુઆરીમાં ઔદ્યોગિક ઉત્પાદનમાં ૫% નો વધારો થયો હતો.નાણાકીય વર્ષ ૨૬ માં GDP વળદ્ધિ દર ૬.૫% થી વધુ રહેવાનો અંદાજ છે
નવી દિલ્હી તા.૧૩: છેલ્લા ઘણા મહિનાઓથી શેરબજારમાં ચાલી રહેલા ઘટાડા વચ્ચે ભારતીય અર્થતંત્ર માટે આજનો દિવસ સારો રહ્યો. અનેક મોરચે સારા સમાચાર છે. સામાન્ય માણસ માટે રાહતની વાત એ છે કે ફેબ્રુઆરીમાં છૂટક ફુગાવામાં નોંધપાત્ર ઘટાડો જોવા મળ્યો છે અને તે સાત મહિનામાં તેના સૌથી નીચલા સ્તરે પહોંચી ગયો છે. ખાદ્ય ચીજવસ્તુઓનો ફુગાવો ૧૧ મહિનામાં સૌથી નીચા સ્તરે છે. દેશમાં ઔદ્યોગિક ઉત્પાદનમાં વધારો થયો છે. ઉત્પાદન ક્ષેત્રના સારા પ્રદર્શનને કારણે આ વર્ષે જાન્યુઆરીમાં ઔદ્યોગિક ઉત્પાદનમાં ૫%નો વધારો થયો. દરમિયાન, મૂડીઝ રેટિંગ્સે ૨૦૨૫-૨૬માં ભારતનો GDP વળદ્ધિ દર ૬.૫% થી વધુ રહેવાનો અંદાજ લગાવ્યો છે.
જીડીપી વળદ્ધિ
આગામી નાણાકીય વર્ષ (૨૦૨૫-૨૬) માં ભારતનો જીડીપી વળદ્ધિ દર ૬.૫% થી વધુ રહેશે. મૂડીઝ રેટિંગ્સે આ અંદાજ લગાવ્યો છે. ચાલુ નાણાકીય વર્ષમાં ભારતીય અર્થતંત્ર ૬.૩% ના દરે વળદ્ધિ પામવાનો અંદાજ છે. મૂડીઝનું કહેવું છે કે સરકારી મૂડી ખર્ચમાં વધારો, કર ઘટાડા અને વ્યાજ દરોમાં ઘટાડાને કારણે વપરાશમાં વધારો થવાને કારણે આગામી નાણાકીય વર્ષમાં ભારતીય અર્થતંત્ર વધુ ઝડપી ગતિએ વળદ્ધિ પામશે. બેન્કિંગ ક્ષેત્ર માટે સ્થિર આઉટલુકનો અંદાજ લગાવતા, મૂડીઝે જણાવ્યું હતું કે આગામી નાણાકીય વર્ષમાં ભારતીય બેન્કો માટે કાર્યકારી વાતાવરણ અનુકૂળ રહેશે.
ઔદ્યોગિક ઉત્પાદન
દેશમાં ઔદ્યોગિક ઉત્પાદનમાં વધારો થયો છે. ઉત્પાદન ક્ષેત્રના સારા પ્રદર્શનને કારણે આ વર્ષે જાન્યુઆરીમાં ઔદ્યોગિક ઉત્પાદનમાં ૫% નો વધારો થયો. જાન્યુઆરી ૨૦૨૪ માં ઔદ્યોગિક ઉત્પાદન સૂચકાંક (IIP) ના સંદર્ભમાં માપવામાં આવતા ઔદ્યોગિક ઉત્પાદનમાં ૪.૨ ટકાનો વધારો થયો. સીએસઓના ડેટા અનુસાર, જાન્યુઆરી ૨૦૨૫ માં ઉત્પાદન ક્ષેત્રનું ઉત્પાદન ૫.૫% વધ્યું હતું, જે એક વર્ષ પહેલાના સમાન મહિનામાં ૩.૬% હતું.
છૂટક ફુગાવો
ફેબ્રુઆરીમાં ગ્રાહક ભાવ સૂચકાંક (CPI) આધારિત ફુગાવાનો દર સાત મહિનાના નીચલા સ્તરે ૩.૬૧% રહ્યો હતો, જે જાન્યુઆરીના આંકડા કરતા ૦.૬૫% ઓછો છે. આનું કારણ ખાદ્ય ઉત્પાદનોના ભાવમાં ઘટાડો છે. જુલાઈ ૨૦૨૪ પછી દેશમાં છૂટક ફુગાવાનો આ સૌથી નીચો સ્તર છે. સત્તાવાર નિવેદનમાં કહેવામાં આવ્યું છે કે ફેબ્રુઆરીમાં ખાદ્ય ફુગાવાનો દર મે ૨૦૨૩ પછીના સૌથી નીચા સ્તરે આવી ગયો છે અને જાન્યુઆરીની સરખામણીમાં તેમાં ૨.૨૨% નો ઘટાડો જોવા મળ્યો છે. ફેબ્રુઆરીમાં મુખ્ય ફુગાવા અને ખાદ્ય ફુગાવામાં ઘટાડો શાકભાજી, બદામ, માંસ અને માછલી, કઠોળ અને દૂધના ઉત્પાદનોના ભાવમાં ઘટાડાને કારણે થયો હતો.(૩૮.૨)
(10:14 AM IST)
છેલ્લા 8 દિવસમાં સૌથી લોકપ્રિય 
