આજથી સંસદના બજેટ સત્રના બીજા તબક્કાનો પ્રારંભ : તોફાની બનવાના એંધાણ
વક્ફ બિલ સરકારના ટોચના એજન્ડામાં રહેશે : સરકારને ઘેરવાની વિપક્ષની તૈયારી
નવી દિલ્હી, તા.૧૦: સંસદના બજેટ સત્રનો આજથી ચાલુ થઈ રહેલા બીજો તબક્કો પણ તોફાની બની રહેવાની ધારણા છે. સરકાર અને વિપક્ષ બંને સંખ્યાબંધ મુદ્દા પર એકબીજાને ઘેરવાની તૈયારી કરી છે. વિપક્ષ ડુપ્લિકેટ વોટર આઇડી કાર્ડ નંબર, ટ્રમ્પની ટેરિફ ર્વોનિંગ, સીમાંકન વિવાદ સહિતના મુદ્દે સરકારનો જવાબ માગશે. બીજી તરફ સરકાર વિવાદાસ્પદ વક્ફ બિલને સંસદમાં રજૂ કરે તેવી ધારણા છે.
સૂત્રોએ જણાવ્યું હતું કે સરકાર વિવાદાસ્પદ વક્ફ બિલને સંસદમાં રજૂ કરે તેવી અપેક્ષા છે અને જરૂર પડ્યે બાંધછોડ પણ કરવા તૈયાર છે. કેન્દ્ર પર વિપક્ષના હુમલાની આગેવાની ટીએમસી અને ડીએમકે લેશે. આ બંને પક્ષો અનુક્રમે ડુપ્લિકેટ વોટર આઇડી કાર્ડ દક્ષિણના રાજ્યો પર હિન્દી ભાષા લાદવાના મુદ્દાને ઉઠાવશે. ગળહમાં ધમાલ મચાવે તેવો બીજો મુદ્દો સીમાંકન અને શિક્ષણમાં ત્રણ ભાષા નીતિ સંબંધિત છે. ડીએમકેના સાંસદો સીમાંકન અને ત્રણ ભાષા નીતિ સહિત અનેક મુદ્દાઓ પર તેમનો વિરોધ વધુ ઉગ્ર બનાવે તેવી શકયતા છે. જોકે કોંગ્રેસ આ મુદ્દા પર તટસ્થ રહી છે.
વિપક્ષે કહ્યું કે તેઓ ડુપ્લિકેટ વોટર ફોટો ઓળખ કાર્ડ (EPIC) નંબરોના મુદ્દા પર સરકારને ઘેરવાની તૈયારી કરી રહ્યા છે.
તાજેતરમાં, તળણમૂલ કોંગ્રેસે આ મુદ્દો ઉઠાવવામાં મુખ્ય ભૂમિકા ભજવી છે, ત્યારબાદ ચૂંટણી પંચે જાહેરાત કરી છે કે તે આગામી ત્રણ મહિનામાં સુધારાત્મક પગલાં લેશે. જોકે, ચૂંટણી પંચે ટીએમસીના દાવાને ફગાવી દીધો હતો કે પશ્ચિમ બંગાળમાં અન્ય રાજ્યોના મતદારોને તેમના મતાધિકારનો ઉપયોગ કરવાની મંજૂરી આપવા માટે મતદાર યાદીઓમાં છેડછાડ કરવામાં આવી હતી.
ચૂંટણી પંચે એ પણ સ્પષ્ટતા કરી હતી કે કેટલાક મતદારો પાસે સમાન મતદાર ID નંબર હોઈ શકે છે, પરંતુ વસ્તી વિષયક માહિતી, વિધાનસભા મતવિસ્તાર અને મતદાન મથક જેવી અન્ય વિગતો અલગ હશે.
ટીએમસીના નેતાઓ સોમવારે ચૂંટણી પંચને મળશે અને બજેટ સત્રના બીજા તબક્કા દરમિયાન સંસદના બંને ગળહોમાં આ મુદ્દો ઉઠાવવા માટે કોંગ્રેસ, ડીએમકે, શિવસેનાપ્રયુબીટી સહિત અન્ય વિપક્ષી પક્ષોને પણ એક કરશે.
સરકાર માટે વક્ફ સુધારા બિલ ઝડપથી પસાર કરવું એ પહેલી પ્રાથમિકતા રહેશે. સંસદીય બાબતોના મંત્રી કિરેન રિજિજુએ તાજેતરમાં સમાપ્ત થયેલા ઈન્ડિયા ટુડે કોન્ક્લેવમાં કહ્યું હતું કે સરકાર વક્ફ સુધારા બિલને જલ્દી પસાર કરવા આતુર છે કારણ કે તે મુસ્લિમ સમુદાયના ઘણા મુદ્દાઓનું નિરાકરણ લાવશે. વિપક્ષના જોરદાર વિરોધ વચ્ચે સંસદની સંયુક્ત સમિતિએ લોકસભામાં બિલ પર પોતાનો અહેવાલ રજૂ કર્યો છે.
તે જ સમયે, કોંગ્રેસના નેતા જયરામ રમેશે કહ્યું છે કે વક્ફ બિલનો સંયુક્ત રીતે વિરોધ કરવા માટે વિપક્ષ ઇન્ડિયા બ્લોકના નેતાઓ ચર્ચા કરશે.
કોંગ્રેસ નેતાએ એમ પણ કહ્યું કે કોંગ્રેસ ચૂંટણી પ્રક્રિયામાં અનિયમિતતાઓનો મુદ્દો ઉઠાવવાનું ચાલુ રાખશે અને આરોપ લગાવશે કે ચૂંટણીઓ હવે મુક્ત અને ન્યાયી રહી નથી અને તે યોજનાબદ્ધ રીતે હાથ ધરવામાં આવી રહી છે. તેમણે કહ્યું કે કોંગ્રેસ બજેટ સત્રના બીજા તબક્કા દરમિયાન ટ્રમ્પની પારસ્પરિકપ્રટેરિફ ધમકીઓનો મુદ્દો ઉઠાવશે અને આ ધમકીઓનો સામનો કરવા માટે દ્વિપક્ષીય સામૂહિક સંકલ્પ માટે હાકલ કરશે.
સંસદના બજેટ સત્રનો પહેલો તબક્કો ૩૧ જાન્યુઆરીથી ૧૩ ફેબ્રુઆરી સુધી ચાલ્યો હતો અને બીજો તબક્કો ૧૦ માર્ચથી શરૂ થશે અને ૪ એપ્રિલ સુધી ચાલશે.
(11:47 AM IST)
છેલ્લા 8 દિવસમાં સૌથી લોકપ્રિય 
