તેલંગાણામાં શ્રીશૈલમ લેફ્ટ બેંક કેનાલ (SLBC) ટનલ દુર્ઘટના બાદ 9 માર્ચે પ્રથમ મૃતદેહ બહાર કાઢવામાં આવ્યો હતો. 22 ફેબ્રુઆરીએ ટનલ તૂટી પડવાને કારણે આઠ કામદારો ફસાયા હતા, જ્યારે આજે પ્રથમ શબને બહાર કાઢવામાં આવ્યો છે

તેલંગાણાની શ્રીશૈલમ લેફ્ટ બેંક કેનાલ (SLBC) ટનલ અકસ્માતને લઈને એક મોટા સમાચાર સામે આવી રહ્યા છે. 22 ફેબ્રુઆરીના રોજ થયેલા અકસ્માત બાદ પ્રથમ મૃતદેહ 9 માર્ચે બહાર કાઢવામાં આવ્યો હતો. તમને જણાવી દઈએ કે 22 ફેબ્રુઆરીએ ટનલ તૂટી પડવાને કારણે આઠ કામદારો ફસાયા હતા, જ્યારે આજે પ્રથમ શબને બહાર કાઢવામાં આવ્યો છે. રેસ્ક્યુ ટીમે SLBC ટનલની અંદરથી એક મૃતદેહને બહાર કાઢ્યો હતો અને તેને નાગરકુર્નૂલ હોસ્પિટલના PMEમાં મોકલ્યો હતો.

મૃતકની ઓળખ પંજાબના વતની ગુરપ્રીત સિંહ તરીકે કરવામાં આવી છે અને તેના મૃતદેહને નાગરકુર્નૂલ જનરલ હોસ્પિટલના પીએમઈ માટે મોકલવામાં આવ્યો છે. અધિકારીએ ન્યૂઝ એજન્સી ANIને જણાવ્યું, “હાથ દેખાઈ રહ્યો છે. "બચાવ ટીમો હાલમાં મશીનને કાપીને ફસાયેલા શરીરને કાઢવા માટે કામ કરી રહી છે." આંશિક રીતે ધરાશાયી થયેલી ટનલની અંદર રેસ્ક્યુ ઓપરેશન રવિવારે 16માં દિવસે પ્રવેશ્યું હતું, પરંતુ કોઈને પણ સુરક્ષિત રીતે બહાર કાઢવામાં સફળતા મળી નથી.

તેલંગાણાના નાગરકુર્નૂલમાં નિર્માણાધીન શ્રીશૈલમ લેફ્ટ બેંક કેનાલ (SLBC) ટનલનો એક ભાગ 22 ફેબ્રુઆરીએ તૂટી પડ્યો હતો. જેમાં 8 મજૂરો ફસાયા હતા. તેમને સુરક્ષિત બહાર કાઢવા માટે હજુ પણ રેસ્ક્યુ ઓપરેશન ચાલુ છે. દુર્ઘટના પછી, બચાવ ટુકડીઓએ હવે ફસાયેલા લોકો સુધી પહોંચવા માટે ટનલ બોરિંગ મશીન (TBM) ના ભાગો અને અન્ય અવરોધોને દૂર કરવાનું શરૂ કર્યું હતું. ભારતીય સેના, નૌકાદળ, એનડીઆરએફ, એસડીઆરએફ અને ઉંદર ખાણકારોની ટીમો બચાવ કામગીરીમાં સામેલ છે. ભારતીય મરીન કમાન્ડો ફોર્સ (MARCOS) અને બોર્ડર રોડ ઓર્ગેનાઈઝેશન (BRO) પણ આ ઓપરેશનમાં સામેલ થયા છે.