રાણાને ‘‘પાકિસ્તાન કાર્ડ'' પણ બચાવી ન શક્યું: અમેરિકી કોર્ટે અરજી ફગાવતા લાગ્યો ફટકો
હવે ભારતને સોંપણીનો માર્ગ ખુલી ગયો
લંડન,તા.૭: ૨૦૦૮ના મુંબઈ હુમલાના દોષિત તહવ્વુર રાણાને યુએસ સુપ્રીમ કોર્ટ તરફથી મોટો ઝટકો લાગ્યો છે. ભારત પ્રત્યાર્પણ રોકવાની તેમની અરજી ફગાવી દેવામાં આવી છે.
ન્યાયાધીશ એલેના કાગને તહવ્વુર રાણાના ભારત પ્રત્યાર્પણને રોકવા માટેની અરજી ફગાવી દીધી. ૨૬/૧૧ મુંબઈ હુમલાના દોષિત તહવ્વુર રાણાએ ભારત પ્રત્યાર્પણ ટાળવા માટે કોર્ટમાં અરજી કરી હતી.
રાણાએ યુએસ સુપ્રીમ કોર્ટમાં અરજી દાખલ કરીને તેમના પ્રત્યાર્પણ પર તાત્કાલિક રોક લગાવવાની માંગ કરી હતી. અરજીમાં તહવ્વુર રાણાએ કહ્યું હતું કે જો મને ભારત પ્રત્યાર્પણ કરવામાં આવશે તો મને ત્રાસ આપવામાં આવશે. હું ભારતમાં વધુ સમય ટકી શકીશ નહીં.
રાણાએ યુએસ કોર્ટ સમક્ષ કરેલી અરજીમાં કહ્યું હતું કે પાકિસ્તાની મૂળના મુસ્લિમ હોવાને કારણે તેમને ભારતમાં ખૂબ હેરાન કરવામાં આવશે. હ્યુમન રાઇટ્સ વોચ ૨૦૨૩ વર્લ્ડ રિપોર્ટ કહે છે કે ભારતની ભાજપ સરકાર ધાર્મિક લઘુમતીઓ, ખાસ કરીને મુસ્લિમો સાથે ભેદભાવ કરે છે.
અરજીમાં કહેવામાં આવ્યું હતું કે ભારત સરકાર વધુને વધુ સરમુખત્યારશાહી બની રહી છે અને જો ભારત સરકારને સોંપવામાં આવશે તો તેને ત્રાસ આપવામાં આવશે તેના પૂરતા કારણો છે.
તહવ્વુર રાણાએ કહ્યું હતું કે તે ઘણી બીમારીઓથી પીડાઈ રહ્યા છે. તે પાર્કિન્સનથી પણ પીડાઈ રહ્યો છે. તેમને એવી જગ્યાએ મોકલવા જોઈએ નહીં જ્યાં તેમને રાષ્ટ્રીય, ધાર્મિક અને સાંસ્કળતિક આધાર પર નિશાન બનાવવામાં આવે.
તહવ્વુર રાણાનો જન્મ પાકિસ્તાનમાં થયો હતો. તેમણે આર્મી મેડિકલ કોલેજમાં અભ્યાસ કર્યો અને ૧૦ વર્ષ સુધી પાકિસ્તાન આર્મીમાં ડોક્ટર તરીકે કામ કર્યું. પરંતુ તેહવુર રાણાને તેમનું કામ ગમ્યું નહીં અને તેમણે આ નોકરી છોડી દીધી. ભારત વિરુદ્ધ આતંકવાદી પ્રવળત્તિઓમાં સામેલ તહવ્વુર રાણા હાલમાં કેનેડિયન નાગરિક છે. પરંતુ તાજેતરમાં જ તે શિકાગોનો રહેવાસી હતો, જ્યાં તેનો વ્યવસાય છે.
કોર્ટના દસ્તાવેજો અનુસાર, તેમણે કેનેડા, પાકિસ્તાન, જર્મની અને ઇંગ્લેન્ડમાં પ્રવાસ કર્યો છે અને રહ્યા છે અને લગભગ ૭ ભાષાઓ બોલી શકે છે. કોર્ટના દસ્તાવેજો દર્શાવે છે કે ૨૦૦૬ થી નવેમ્બર ૨૦૦૮ સુધી, તહવ્વુર રાણાએ પાકિસ્તાનમાં ડેવિડ હેડલી અને અન્ય લોકો સાથે મળીને કાવતરું ઘડ્યું હતું. આ સમય દરમિયાન, તહવ્વુર રાણાએ આતંકવાદી સંગઠનો લશ્કર-એ-તૈયબા અને હરકત ઉલ જેહાદ એ ઇસ્લામીને મદદ કરી અને મુંબઈ આતંકવાદી હુમલાની યોજના બનાવી અને તેને અંજામ આપવામાં મદદ કરી. આ કેસમાં આતંકવાદી હેડલી સરકારી સાક્ષી બન્યો છે.
૨૬ નવેમ્બર ૨૦૦૮ ના રોજ દેશની આર્થિક રાજધાની મુંબઈ પર આતંકવાદી હુમલો થયો હતો. આ આતંકવાદી હુમલાને નિષ્ફળ બનાવવા માટે, ૨૦૦ NSG કમાન્ડો અને ૫૦ આર્મી કમાન્ડો મુંબઈ મોકલવામાં આવ્યા હતા. આ ઉપરાંત, ત્યાં પાંચ સૈન્ય ટુકડીઓ પણ તૈનાત કરવામાં આવી હતી. હુમલા દરમિયાન નૌકાદળને પણ એલર્ટ રાખવામાં આવ્યું હતું.
મુંબઈ આતંકવાદી હુમલાને નિષ્ફળ બનાવવાના ઓપરેશનમાં મુંબઈ પોલીસ, એટીએસ અને એનએસજીના ૧૧ જવાનો શહીદ થયા હતા. તેમાં ATS ચીફ હેમંત કરકરે, ACP અશોક કામટે, ACP સદાનંદ દાતે, NSG કમાન્ડો મેજર સંદીપ ઉન્નીકળષ્ણન, એન્કાઉન્ટર સ્પેશિયાલિસ્ટ SI વિજય સાલસ્કર, ઇન્સ્પેક્ટર સુશાંત શિંદે, SI પ્રકાશ મોરે, SI દુદગુડે, ASI નાનાસાહેબ ભોસલે, ASI તુકારામ ઓમ્બલે, કોન્સ્ટેબલ વિજય ખાંડેકર, જયવંત પાટિલ, યોગેશ પાટિલ, અંબાદાસ પવાર અને એમ.સી.નો સમાવેશ થાય છે. ચૌધરી સામેલ હતા.(૪૦.૬)
(9:54 AM IST)
છેલ્લા 8 દિવસમાં સૌથી લોકપ્રિય 
