તા. ૧૭ નવેમ્બર ર૦ર૬ વિક્રમ સંવત ર૦૮૩ કારતક સુદ – ૮ મંગળવાર
News of Wednesday, 29th January 2025
શનિવારે એમસીએક્સમાં ટ્રેડિંગ થશે સાથે શેરબજાર પણ ખુલ્લુ રહેશે અને ટ્રેડિંગ થશે
બજેટના દિવસે ખાસ લાઇવ ટ્રેડિંગ સેશનનું આયોજન : બીએસઇ અને એનએસઇ બજારો સામાન્ય સમય મુજબ સવારે 9:15 થી બપોરે 3:30 વાગ્યા સુધી ખુલ્લી રહેશે

મુંબઈ :કોમોડિટી ડેરિવેટિવ્ઝ માર્કેટમાં મલ્ટી કોમોડિટી એક્સચેન્જ ઓફ ઈન્ડિયા લિમિટેડ (MCX), દેશના અગ્રણી એક્સચેન્જ પર પણ શનિવાર, 1 ફેબ્રુઆરીના રોજ ટ્રેડિંગ થશે. MCXએ બુધવારે આ જાણકારી આપી. એમસીએક્સે જણાવ્યું હતું કે બજેટના દિવસે ખાસ લાઇવ ટ્રેડિંગ સેશનનું આયોજન કરવામાં આવશે.
1 ફેબ્રુઆરી, 2025 ના રોજ, મલ્ટી કોમોડિટી એક્સચેન્જ સામાન્ય ટ્રેડિંગ માટે સવારે 9 થી સાંજના 5 વાગ્યા સુધી ખુલ્લું રહેશે. MCX એ એક નિવેદનમાં જણાવ્યું હતું કે, કોમોડિટી ડેરિવેટિવ્ઝ માર્કેટ સેગમેન્ટમાં ભારતનું અગ્રણી એક્સચેન્જ, મલ્ટી કોમોડિટી એક્સચેન્જ ઓફ ઈન્ડિયા, બજારના સહભાગીઓને ટ્રેડિંગ પ્લેટફોર્મ પૂરું પાડવા માટે શનિવાર, 1 ફેબ્રુઆરી, 2025ના રોજ એક ખાસ લાઈવ ટ્રેડિંગ સત્રનું આયોજન કરશે.
1 ફેબ્રુઆરીના રોજ, માત્ર MCX જ નહીં પરંતુ શેર બજાર પણ ખુલશે. નેશનલ સ્ટોક એક્સચેન્જ (NSE) અને બોમ્બે સ્ટોક એક્સચેન્જ (BSE) એ અલગ-અલગ પરિપત્ર જારી કરીને આ માહિતી આપી છે. બજારો સામાન્ય સમય મુજબ સવારે 9:15 થી બપોરે 3:30 વાગ્યા સુધી ખુલ્લી રહેશે.
સપ્તાહના અંતે (શનિવાર-રવિવાર) શેરબજારો બંધ રહે છે. પરંતુ કેન્દ્રીય બજેટ જેવા ખાસ પ્રસંગો પર, તે શનિવારે પણ ખુલ્લું રહેશે. અગાઉ 1 ફેબ્રુઆરી 2020 અને 28 ફેબ્રુઆરી 2015ના રોજ પણ શનિવારે બજેટ રજૂ થયું હતું અને તે દિવસોમાં બજારો ખુલ્લી હતી.
સામાન્ય રીતે એક્સચેન્જ શનિવાર અને રવિવારે બંધ રહે છે. નાણા પ્રધાન નિર્મલા સીતારમણ શનિવારે, 1 ફેબ્રુઆરી 2025 ના રોજ કેન્દ્રીય બજેટ 2025-26 રજૂ કરશે. જેમ જેમ બજેટની તારીખ નજીક આવી રહી છે તેમ તેમ લોકોનો તેના પ્રત્યેનો ઉત્સાહ વધી રહ્યો છે.
1 ફેબ્રુઆરી 2025 ના રોજ રજૂ થનારું બજેટ નિર્મલા સીતારમણ દ્વારા રજૂ કરવામાં આવેલું સતત આઠમું બજેટ હશે. કારોબારી વર્ષ 2025-26 માટે રજૂ કરવામાં આવેલ આ બજેટ સામાન્ય માણસની સાથે સાથે ઉદ્યોગપતિઓ માટે પણ ખાસ બની શકે છે.
(6:35 PM IST)









છેલ્લા 8 દિવસમાં સૌથી લોકપ્રિય 
