તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
જાન્યુઆરીમાં PMI ઘટી ૧૪ માસના તળિયે નોંધાયો
ખાનગી સેકટરનો ગ્રોથ મંદ
નવી દિલ્હી, તા.૨૪: નવા કેલેન્ડર વર્ષ ૨૦૨૫માં દેશના ખાનગી સેક્ટરની શરુઆત મંદ રહી છે. ખાનગી સેક્ટર માટેનો FLASH કમ્પોઝિટ PMI જાન્યુઆરીમાં ૫૭.૯ રહેવા સાથે ૧૪ માસના તળિયે પહોંચ્યો છે. જે ડિસેમ્બરમાં ચાર માસની ટોચે ૫૯.૨ હતો. એચએસબીસી ઇન્ડિયા કોમ્પોઝિટ પીએમઆઇ ફ્લેશ રીડિંગ અનુસાર, જાન્યુઆરીમાં ભારતીય ખાનગી સેક્ટરની કામગીરી નવેમ્બર, ૨૦૨૩ બાદ ૧૪ માસના તળિયે પહોંચી છે.
જાન્યુઆરી માસ દરમિયાન એકંદરે ખાનગી સેક્ટરની ગતિવિધિઓ નબળી રહી છે. જો કે, મેન્યુફેક્ચરિંગ ગ્રોથ જાન્યુઆરીમાં છ માસની ટોચે ૫૮ પહોંચ્યો છે. જે ગતમહિને ૫૬.૪ હતો. મેન્યુફેક્ચરીંગ સેક્ટરે નવા વર્ષ ૨૦૨૫ની મજબૂત શરુઆત કરી છે. નવા નિકાસ ઓર્ડરના કારણે ઉત્પાદનો વધ્યા છે. જે ફુગાવામાં ઘટાડો કરે તેવી સંભાવનાઓ અર્થશાષાીએ વ્યક્ત કરી છે.
વૈશ્વિક પડકારો અને અનિશ્ચિતતાઓના કારણે સર્વિસ સેક્ટરનો ગ્રોથ નબળો પડ્યો છે. સ્થાનિક સ્તરે નવા ઑર્ડરમાં સુસ્તી નોંધાતા સર્વિસ સેક્ટરની ગતિવિધિઓ શુષ્ક રહી હતી. બીજી તરફ આરબીઆઇએ ચાલુ નાણાકીય વર્ષમાં જીડીપી ગ્રોથ ૬.૪ ટકાના દરે વધવાનો અંદાજ આપ્યો છે. આ દરે જીડીપી ગ્રોથ જાળવી રાખવા માટે બીજા છ માસમાં ૬.૮ ટકાના દરે ગ્રોથ નોંધાયો જરૂરી હોવાનું અર્થશાષાીએ જણાવ્યું છે. પ્રથમ છ માસમાં જીડીપી ગ્રોથ ૬ ટકાના દરે વધ્યો હતો. પરંતુ ખાનગી સેક્ટરની કંપનીઓની મંદ શરુઆત જીડીપી ગ્રોથને નબળો પાડે તેવી ભીતિ સર્જાઈ છે.
(4:28 PM IST)
છેલ્લા 8 દિવસમાં સૌથી લોકપ્રિય 
