News of Wednesday, 1st January 2025
સોશ્યલ મીડિયા સ્ટાર છે આ મન્કી રાની, રોટલી વણે અને વાસણ પણ ઘસે
અશોક નામના વ્યક્તિના ઘરે છેલ્લાં આઠ વર્ષથી રહે છે અને ઘરના કામમાં મદદ કરે છે : એના વિડિયો યુટયુબ પર અપલોડ કરીને અશોકને આશરે પાંચ લાખ રૂપિયાની આવક થઈ છે, જેથી તેની આર્થિક સ્થિતિ પણ સુધરી છે

રાયબરેલી, તા.૧: ઉત્તર પ્રદેશના રાયબરેલી જિલ્લાના એક ગામમાં રહેતી મક્રી રાની સોશ્યલ મીડિયા સ્ટાર છે. એના વીડિયો સોશ્યલ મીડિયામાં વાઇરલ થયા છે. એ અશોક નામના વ્યક્તિના ઘરે છેલ્લાં આઠ વર્ષથી રહે છે અને ઘરના કામમાં મદદ કરે છે. એના વિડિયો યુટયુબ પર અપલોડ કરીને અશોકને આશરે પાંચ લાખ રૂપિયાની આવક થઈ છે, જેથી તેની આર્થિક સ્થિતિ પણ સુધરી છે.
રાની ભલે વાનર તરીકે જન્મી છે પણ એનું વર્તન માનવો જેવું છે. આખા ગામમાં એની ચર્ચા હોય છે અને એ દરેકને મદદ કરવા આતુર રહે છે. મક્રી રાની આઠ વર્ષ પહેલાં અશોકના ઘરે આવી હતી અને ત્યારથી એ તેના પરિવારની સભ્ય બની ગઈ છે. એ રોટલી વણે છે, વાસણ ઘસે છે, મસાલા ખાંડી આપે છે. ઘરમાં મહિલાઓને ઘરકામમાં એ મદદ કરે છે. રાની ભલે અશોકના ઘરે રહે છે પણ એ ગામમાં કોઈના પણ ઘરે જઈ શકે છે. દરેક ઘરે એને આવકાર મળે છે. અશોકનું કહેવું છે કે રાની એની મમ્મીને ખૂબ ગમતી હતી. હવે તેની ભાભી રાનીનું ધ્યાન રાખે છે.
રાણી ગુસ્સે થાય તો એ પોતાને જ બચકાં ભરે છે. આથી લોકો સમજી જાય છે કે એ રોષમાં છે અને તેથી લોકો એને શાંત પાડવાની કોશિશ કરે છે.
(7:03 PM IST)









છેલ્લા 8 દિવસમાં સૌથી લોકપ્રિય 
