નવી દિલ્હી :ગૂગલના કર્મચારીઓ માટે ખરાબ સમાચાર છે. કંપનીના CEO સુંદર પિચાઈએ સંકેત આપ્યો છે કે Google મેનેજર, ડિરેક્ટર અને વાઈસ પ્રેસિડેન્ટ જેવા હોદ્દા પર કામ કરતા તેના 10% કર્મચારીઓને છૂટા કરવાની યોજના બનાવી રહ્યું છે. OpenAI સાથે સ્પર્ધા વધારવા અને કંપનીના માળખાને સરળ બનાવવાના ઉદ્દેશ્યથી આ નિર્ણય લેવામાં આવી રહ્યો છે. ગૂગલ ઈન્ડિયાએ નાણાકીય વર્ષ 2024માં 7097 કરોડ રૂપિયાની કમાણી કરી છે.

    સુંદર પિચાઈએ કહ્યું કે કંપનીને વધુ અસરકારક બનાવવા માટે ઘણા ફેરફારો કરવામાં આવી રહ્યા છે. જે કર્મચારીઓની છટણી કરવામાં આવશે, તેમની કેટલીક નોકરીઓ બદલવામાં આવશે, જ્યારે બાકીની છટણી કરવામાં આવશે.

    વર્ષ 2022માં ગૂગલે 12,000 કર્મચારીઓની છટણી કરી હતી. આ વર્ષે મે 2024માં કોર ટીમમાંથી 200 અધિકારીઓની છટણી કરવામાં આવી હતી. હાલમાં જ ગૂગલની કેલિફોર્નિયા ઓફિસમાંથી એન્જિનિયરિંગ ટીમના 50 કર્મચારીઓને પણ દૂર કરવામાં આવ્યા હતા 

  સુંદર પિચાઈએ કહ્યું કે કોઈપણ મિશનને સફળ બનાવવા માટે ટીમ વર્ક જરૂરી છે. 'ગુગલીનેસ'નો અર્થ સમજાવતા તેમણે કહ્યું કે આધુનિક ગૂગલને અપડેટ કરવા માટે કર્મચારીઓની ગુણવત્તા પર ધ્યાન આપવું પડશે