મહારાષ્ટ્ર વિધાન પરિષદ: ભારતીય જનતા પાર્ટી ના રામ શિંદે મહારાષ્ટ્ર વિધાન પરિષદના અધ્યક્ષ તરીકે બિનહરીફ ચૂંટાયા હતા. રાષ્ટ્રવાદી કોંગ્રેસ પાર્ટી (NCP)ના નેતા રામરાજે નાઈક-નિમ્બાલકરનો કાર્યકાળ પૂરો થયા બાદ 7 જુલાઈ, 2022થી કાઉન્સિલના પ્રમુખનું પદ ખાલી હતું. હવે વિધાનસભાના બંને ગૃહોમાં પ્રિસાઇડિંગ ઓફિસર ભાજપના છે

    ગયા અઠવાડિયે, બીજેપી ધારાસભ્ય રાહુલ નાર્વેકરને અહીં ચાલી રહેલા શિયાળુ સત્ર દરમિયાન આવી જ રીતે 15મી મહારાષ્ટ્ર વિધાનસભાના સ્પીકર તરીકે ચૂંટવામાં આવ્યા હતા. શિંદે 8 જુલાઈ, 2022ના રોજ મહારાષ્ટ્ર વિધાન પરિષદના સભ્ય બન્યા. અગાઉ, તેઓ 2014 થી 2019 સુધી તત્કાલીન દેવેન્દ્ર ફડણવીસ સરકારમાં મંત્રી હતા. 20 નવેમ્બરની રાજ્યની વિધાનસભા ચૂંટણીમાં તેઓ કર્જત જામખેડ વિધાનસભા બેઠક NCP (SP)ના નેતા રોહિત પવાર સામે ઓછા માર્જિનથી હારી ગયા હતા.

  રોહિત પવારને 127676 વોટ મળ્યા જ્યારે રામ શિંદેને 126433 વોટ મળ્યા. રામ શિંદેએ ફડણવીસ સરકારમાં ગૃહ મંત્રાલય, જાહેર આરોગ્ય, કૃષિ અને પર્યટન રાજ્ય મંત્રી તરીકેનો કાર્યભાર સંભાળ્યો હતો. તેઓ અહેમદનગર જિલ્લાના પાલક મંત્રી પણ રહી ચૂક્યા છે. જુલાઈ 2016માં જ્યારે કેબિનેટનું વિસ્તરણ કરવામાં આવ્યું ત્યારે રામ શિંદેને કેબિનેટ મંત્રીનો દરજ્જો આપવામાં આવ્યો અને તેમને જળ સંસાધન મંત્રાલય સોંપવામાં આવ્યું