તા. ૧૧ નવેમ્બર ર૦ર૬ વિક્રમ સંવત ર૦૮૩ કારતક સુદ – ૨ બુધવાર
ચીને ભુટાનમાં ડોકલામ પાસે વસાવ્યા રર ગામ
ચીને ૨૦૧૬માં ભૂટાનના પ્રદેશમાં પહેલું ગામ બનાવ્યું ત્યારથી અત્યાર સુધીમાં ૨૨ ગામો અને વસાહતો બનાવવામાં આવી છે : આમાં લગભગ ૨૨૮૪ મકાનો છે : આ વિસ્તારોમાં લગભગ ૭૦૦૦ લોકો સ્થાયી થયા છે : ડ્રેગન નહિ સુધરેઃ ભારત સાથે બે મોઢાની વાતો
નવી દીલ્હી, તા.૧૮: ચીન સુધરે એવું લાગતું જ નથી એક તરફ, તે વાસ્તવિક નિયંત્રણ રેખા (LAC) પર ભારત સાથે કરારોને અનુસરવાની વાત કરી રહી છે. બીજી તરફ તે ડોકલામની આસપાસના ગામોને વસાવવામાં વ્યસ્ત છે. સેટેલાઇટ તસવીરોએ ચીનની આ યુક્તિનો ખુલાસો કર્યો છે. તમને જણાવી દઈએ કે ચીને છેલ્લા આઠ વર્ષમાં ભૂટાનના પરંપરાગત વિસ્તારમાં ઓછામાં ઓછા ૨૨ ગામો અને વસાહતો બનાવી છે. ૨૦૨૦થી, ડોકલામ ઉચ્ચપ્રદેશની નજીક આઠ ગામો બનાવવામાં આવ્યા છે.
ભૂટાનના પશ્ચિમ વિસ્તારમાં સ્થિત આ આઠ ગામો ડોકલામ નજીક વ્યૂહાત્મક રીતે મહત્વપૂર્ણ સ્થાનો પર બાંધવામાં આવ્યા છે. આ ગામો એક ખીણને અડીને આવેલા છે, જેને ચીન પોતાનો હોવાનો દાવો કરે છે. આમાંના ઘણા ગામો ચીનની સૈન્ય ચોકીઓ પાસે આવેલા છે. આ ૨૨ ગામોમાંથી સૌથી મોટા ગામનું નામ જીવુ છે, જે ત્સેથાંખા પર સ્થિત છે, જે એક પરંપરાગત ભૂટાની ઘાસની જમીન છે.
આ ગામડાઓનું નિર્માણ ભારત માટે ચિંતાનું કારણ બની ગયું છે. ડોકલામમાં ચીનની સ્થિતિ મજબૂત થવાને કારણે સિલિગુડી કોરિડોરની સુરક્ષા સામે ખતરો ઉભો થઈ શકે છે, જેને ‘ચિકન નેક' પણ કહેવામાં આવે છે. આ કોરિડોર મુખ્ય ભૂમિ ભારતને ઉત્તર-પૂર્વના રાજ્યો સાથે જોડે છે.
તમને જણાવી દઈએ કે અત્યાર સુધી ભારતના વિદેશ મંત્રાલય તરફથી આ અંગે કોઈ પ્રતિક્રિયા આપવામાં આવી નથી.
તાજેતરના વર્ષોમાં ભૂટાનના અધિકારીઓએ ભૂટાનની પ્રાદેશિક સાર્વભૌમત્વનું ઉલ્લંઘન કરતી ચીન દ્વારા કરાયેલી વસાહતોને નકારી કાઢી છે. ૨૦૨૩ માં, ભૂટાનના ભૂતપૂર્વ વડા પ્રધાન લોટે શેરિંગે બેલ્જિયમના એક અખબારને કહ્યું હતું કે આ ચાઇનીઝ ઠેકાણા ભૂટાનમાં નથી. ભૂટાને આ મુદ્દે કોઈ પ્રતિક્રિયા આપી નથી.
તમને જણાવી દઈએ કે ચર્ીીને ૨૦૧૬માં ભૂટાનના પ્રદેશમાં પહેલું ગામ બનાવ્યું ત્યારથી અત્યાર સુધીમાં ૨૨ ગામ અને વસાહતો બનાવવામાં આવી છે. આમાં લગભગ ૨૨૮૪ મકાનો છે. આ વિસ્તારોમાં લગભગ ૭૦૦૦ લોકો સ્થાયી થયા છે. રોબર્ટ બાર્નેટે તેના તાજેતરના અહેવાલમાં આ વિશે વાત કરી.
(11:12 AM IST)
છેલ્લા 8 દિવસમાં સૌથી લોકપ્રિય 
