ધર્મના આધારે અનામત ન હોઈ શકે : સુપ્રીમ કોર્ટ
કોલકાતા હાઈકોર્ટના આદેશને પડકારતી અપીલની સુનાવણી કરી રહી હતી કોર્ટ
નવી દિલ્હી, તા.૧૦: ધર્મના આધારે અનામતને લઈને સુપ્રીમ કોર્ટે મોટી ટિપ્પણી કરી છે. સુપ્રીમ કોર્ટના જસ્ટિસ બીઆર ગવઈ અને કેવી વિશ્વનાથનની બેંચ કોલકાતા હાઈકોર્ટના આદેશને પડકારતી અપીલની સુનાવણી કરી રહી હતી. કોલકત્તા હાઈકોર્ટે તેમને અન્ય પછાત વર્ગ (ઓબીસી) તરીકે વર્ગીકળત કરવાના પશ્ચિમ બંગાળ સરકારના નિર્ણયને રદ્દ કર્યો હતો જેથી તેઓ અનામતનો લાભ મેળવી શકે.
પશ્ચિમ બંગાળ સરકારે કોલકાત્તા હાઈકોર્ટના નિર્ણયને પડકાર્યો છે, જેણે ૨૦૧૦ થી પશ્ચિમ બંગાળમાં ઘણી જાતિઓને બ્ગ્ઘ્ દરજ્જો આપવાને ગેરકાયદેસર જાહેર કર્યો હતો. ૨૨ મે, ૨૦૨૪ના નિર્ણયમાં કલકત્તા હાઈકોર્ટે કહ્યું હતું કે OBC કેટેગરીમાં ૭૭ મુસ્લિમ સમુદાયનો સમાવેશ ધર્મના આધારે કરવામાં આવ્યો હતો, જે ગેરકાનૂની છે. આ સાથે, પશ્ચિમ બંગાળ પછાત વર્ગ અધિનિયમ ૨૦૧૨ હેઠળ આપવામાં આવેલ ૩૭ સમુદાયોનું આરક્ષણ પણ રદ કરવામાં આવ્યું હતું.
વરિષ્ઠ એડવોકેટ કપિલ સિબ્બલે રાજ્ય સરકારના નિર્ણયને યોગ્ય ઠેરવવાની માંગ કરી હતી. તેના પર જસ્ટિસ ગવઈએ કહ્યું હતું કે, ધર્મના આધારે અનામત ન હોઈ શકે. સિબ્બલે કહ્યું કે કલકત્તા હાઈકોર્ટે ‘પશ્ચિમ બંગાળ પછાત વર્ગો અધિનિયમ, ૨૦૧૨ની જોગવાઈઓને ફટકો મારવા માટે આંધ્ર પ્રદેશ હાઈકોર્ટ પર ભારે આધાર રાખ્યો હતો. . આ નિર્ણયને કારણે મુસ્લિમ ઓબીસી માટેનું અનામત રદ કરવામાં આવ્યું હતું. સિબ્બલે કહ્યું કે સુપ્રીમ કોર્ટે આંધ્ર પ્રદેશ હાઈકોર્ટના નિર્ણય પર રોક લગાવી દીધી છે અને અંતિમ નિર્ણય હજુ બાકી છે.
સુપ્રીમ કોર્ટના જસ્ટિસ ગવઈએ એ વાતનું પુનરાવર્તન કર્યું હતું કે અનામત ધર્મના આધારે ન હોઈ શકે. કોર્ટે પશ્ચિમ બંગાળ સરકારને ઓબીસી યાદીમાં સમાવિષ્ટ નવી જાતિઓ સામાજિક અને આર્થિક રીતે પછાત હોવાનું સાબિત કરવા માટે પછાતપણાના જથ્થાત્મક ડેટા સબમિટ કરવાનો નિર્દેશ આપ્યો હતો.
સોમવારે સુનાવણી દરમિયાન, સુપ્રીમ કોર્ટે હાજર વકીલોને કેસનું નિરીક્ષણ કરવા કહ્યું. હાઈકોર્ટના નિર્ણયનો ઉલ્લેખ કરતા સિબ્બલે કહ્યું કે એક્ટની જોગવાઈઓ રદ કરવામાં આવી છે. તેથી ત્યાં ખૂબ જ ગંભીર મુદ્દાઓ સામેલ છે. આનાથી હજારો વિદ્યાર્થીઓ કે જેઓ યુનિવર્સિટીઓમાં પ્રવેશ મેળવવા માગે છે તેમના અધિકારોને અસર કરે છે. તેથી કેટલાક વચગાળાનો આદેશ પસાર કરીને હાઈકોર્ટના આદેશ પર સ્ટે મુકવો જોઈએ
(11:27 AM IST)
છેલ્લા 8 દિવસમાં સૌથી લોકપ્રિય 
