<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Tuesday, 3rd December 2024

જો બચવું હોય તો ભગવા વસ્‍ત્રો પહેરવાનું ટાળો - તિલક લૂછી નાખો

હિંસાને જોતા ઈસ્‍કોન કોલકાતાએ હિન્‍દુઓ અને પૂજારીઓને તેમની ઓળખ છુપાવવાની સલાહ આપી

કોલકતા, તા.૩: બાંગ્‍લાદેશમાં હિંદુઓ અને ઈસ્‍કોનના પૂજારીઓ સામે વધી રહેલી હિંસાને જોતા ઈસ્‍કોન કોલકાતાએ હિન્‍દુઓ અને પૂજારીઓને તેમની ઓળખ છુપાવવાની સલાહ આપી છે. ઈસ્‍કોન કોલકાતાના ઉપાધ્‍યક્ષ રાધારમણ દાસે લોકોને સલાહ આપી છે કે હિન્‍દુઓએ ઘરમાં અને મંદિરોમાં જ પૂજા કરવી જોઈએ અને જ્‍યારે તેઓ બહાર જાય છે ત્‍યારે તેમની ઓળખ છુપાવવી જોઈએ. તેમણે કહ્‍યું કે બહાર કેસર ન પહેરો, તુલસીની માળા છુપાવો, માથું ઢાંકીને તિલક કરો. આની મદદથી કટ્ટરપંથીઓના હુમલાને ટાળી શકાય છે. તમને જણાવી દઈએ કે બાંગ્‍લાદેશમાં ચિન્‍મય દાસ પ્રભુ સહિત અનેક પૂજારીઓની ધરપકડ કરવામાં આવી છે. આ સિવાય હિંદુઓ પર સતત હુમલા થઈ રહ્‍યા છે. રાધારમણ દાસે એવો પણ દાવો કર્યો છે કે ચિન્‍મય દાસના વકીલ રમણ રોયને એટલો માર મારવામાં આવ્‍યો હતો કે તે ત્‍ઘ્‍શ્‍માં પોતાના જીવનની લડાઈ લડી રહ્‍યો છે.

રાધારમણ દાસે કહ્‍યું, હું તમામ પૂજારીઓને સલાહ આપું છું કે આ સંકટનો સમય છે. સંઘર્ષ ટાળવા માટે તેમને સાવચેત રહેવાની જરૂર છે. મેં તેમને માથું ઢાંકવાની અને કેસર પહેરવાનું ટાળવાની સલાહ આપી છે. જો કેસર પહેરવું જરૂરી હોય તો તેને એવી રીતે પહેરો કે તે છુપાયેલું રહે. એકંદરે તેણે પૂજારી તરીકે દેખાવા જોઈએ નહીં.

તેમણે કહ્‍યું કે બાંગ્‍લાદેશમાં ઘણા પૂજારીઓ સાથે દુર્વ્‍યવહાર કરવામાં આવ્‍યો હતો. આ સિવાય બાંગ્‍લાદેશી પ્રશાસને ભગવા કપડા પહેરેલા ૬૩ ઈસ્‍કોનના પૂજારીઓને ભારતમાં પ્રવેશતા અટકાવ્‍યા હતા. આવી સ્‍થિતિમાં સુરક્ષિત રહેવું વધુ જરૂરી છે. તમને જણાવી દઈએ કે ચિન્‍મય દાસની રાજદ્રોહના આરોપમાં ધરપકડ કરવામાં આવી હતી. આ પછી તેને દવા આપવા આવેલા અન્‍ય બે પૂજારીઓની પણ ધરપકડ કરવામાં આવી હતી. તેણે કહ્‍યું, મેં સેક્રેટરીને સમગ્ર ઘટના અંગે અપડેટ આપવા કહ્‍યું હતું પરંતુ તે પણ થોડા દિવસોથી ગુમ છે.

વિશ્વ હિન્‍દુ પરિષદ (VHP) એ સોમવારે બાંગ્‍લાદેશમાં હિન્‍દુઓ પરના કથિત હુમલાઓ સામે વિરોધ દર્શાવ્‍યો હતો અને અત્‍યાચાર રોકવા માટે સંયુક્‍ત રાષ્ટ્રના હસ્‍તક્ષેપની માંગ કરી હતી. જંતર-મંતર ખાતે વિરોધ પ્રદર્શનમાં ભાગ લેનારા લોકોએ બાંગ્‍લાદેશમાં હિંદુઓની સુરક્ષાની માંગ સાથે સૂત્રોચ્‍ચાર કર્યા હતા. સ્‍ણ્‍ભ્‍એ કહ્‍યું કે જો બાંગ્‍લાદેશમાં હિન્‍દુઓ પર અત્‍યાચાર બંધ નહીં થાય તો દેશ બે ભાગમાં વહેંચાઈ શકે છે. સ્‍ણ્‍ભ્‍ના દિલ્‍હી યુનિટના વડા કપિલ ખન્‍નાએ કહ્‍યું કે બાંગ્‍લાદેશમાં સ્‍થિતિ ચિંતાજનક છે.

તેમણે દાવો કર્યો કે હિંદુઓમાં ગુસ્‍સો છે અને તેઓ પોતાનો ગુસ્‍સો વ્‍યક્‍ત કરવા અહીં આવ્‍યા છે. તેમણે કહ્‍યું, ઁબાંગ્‍લાદેશમાં હિંદુઓ પર અત્‍યાચાર થઈ રહ્‍યો છે અને લાખો હિંદુઓ વિસ્‍થાપિત થયા છે. વિરોધમાં ભાગ લેનાર મહંત નવલ કિશોર દાસે કહ્‍યું કે, અમારી બહેનો અને દીકરીઓ પર અત્‍યાચાર થઈ રહ્‍યો છે, ધાર્મિક સ્‍થળોને તોડી પાડવામાં આવી રહ્‍યા છે અને સંતોને જેલમાં ધકેલી દેવામાં આવ્‍યા છે. હિન્‍દુઓ આને સ્‍વીકારશે નહીં.

સ્‍ણ્‍ભ્‍ના રાજ્‍ય સચિવ સુરેન્‍દ્ર ગુપ્‍તાએ સંયુક્‍ત રાષ્ટ્ર અને આંતરરાષ્ટ્રીય માનવાધિકાર સંગઠનોને આ મામલે હસ્‍તક્ષેપ કરવા અને અત્‍યાચાર રોકવાની માંગ કરી છે. તેમણે કહ્‍યું કે જો અત્‍યાચાર બંધ નહીં થાય તો બાંગ્‍લાદેશના બે ટુકડા થઈ શકે છે. બાંગ્‍લાદેશની ૧૭ કરોડની વસ્‍તીમાં હિંદુઓની સંખ્‍યા આઠ ટકા છે. ૫ ઓગસ્‍ટના રોજ શેખ હસીનાની અવામી લીગ સરકારને સત્તા પરથી હટાવ્‍યા બાદ બાંગ્‍લાદેશના ૫૦ થી વધુ જિલ્લાઓમાં લઘુમતી હિન્‍દુઓ પર ૨૦૦ થી વધુ હુમલાઓ નોંધાયા છે.

(10:14 AM IST)