હૃદયદ્રાવક હત્યા : કસાઈએ લિવ-ઈન પાર્ટનરના ૪૦ ટુકડા કરી નાખ્યા
બળાત્કાર કર્યા પછી તેના દુપટ્ટા વડે તેનું ગળું દબાવીને હત્યા કરી દીધી : આ પછી તેણે મળતદેહના ૪૦ થી ૫૦ ટુકડા કર્યા
ખુંટી, તા.૨૮: ઝારખંડના ખુંટી જિલ્લામાંથી હત્યાનો એક હૃદયદ્રાવક મામલો સામે આવ્યો છે. અહીં, કસાઈ તરીકે કામ કરતા એક યુવકે તેના ‘લિવ-ઈન પાર્ટનર'ની હત્યા કરી, તેના શરીરના ૪૦ થી ૫૦ ટુકડા કરી દીધા અને તેને ફેંકી દીધો. હત્યાનો ખુલાસો ત્યારે થયો જ્યારે પોલીસને રખડતા કૂતરા પાસે માનવ શરીરના અંગો મળ્યા. પોલીસે બુધવારે આ સમગ્ર હત્યાની માહિતી આપી હતી. આરોપીની ધરપકડ કરવામાં આવી છે. હત્યાની આ ઘટનાએ લોકોના દિલને આંચકો આપ્યો છે.
પોલીસના જણાવ્યા અનુસાર, ખુંટી જિલ્લાનો ૨૫ વર્ષીય નરેશ ભેંગરા છેલ્લા કેટલાક સમયથી તમિલનાડુમાં તેના જ શહેરની ૨૪ વર્ષની યુવતી સાથે ‘લિવ-ઈન રિલેશનશિપ'માં રહેતો હતો. જોકે, થોડા સમય પહેલા તેણે ઘરે આવીને મહિલાને જાણ કર્યા વગર અન્ય લગ્ન કર્યા હતા. આ પછી તે પત્ની વગર તમિલનાડુ પાછો ગયો. થોડા સમય બાદ યુવક અને યુવતી ખુંટી પરત ફર્યા પરંતુ આરોપી નરેશ યુવતીને તેના ઘરે લઈ જવા માંગતો ન હતો. તે જ સમયે, ૮ નવેમ્બરના રોજ તેણે આ જઘન્ય હત્યા કરી હતી.
પોલીસના જણાવ્યા અનુસાર, યુવતીને ખબર નહોતી કે આરોપી નરેશના લગ્ન થઈ ગયા છે. નરેશ અને યુવતી પહેલા રાંચી પહોંચ્યા અને પછી નરેશના ગામ જવા રવાના થયા. પોલીસે કહયું- ‘યોજનાના ભાગરૂપે, નરેશ મહિલાને એક ઓટોરિક્ષામાં તેના ઘરની નજીક ખુંટી લઈ ગયો અને તેને રાહ જોવા કહયું. તે તીક્ષ્ણ હથિયાર સાથે પાછો ફર્યો અને તેના પર બળાત્કાર કર્યા પછી તેના દુપટ્ટા વડે તેનું ગળું દબાવીને હત્યા કરી દીધી. આ પછી તેણે મળતદેહના ૪૦ થી ૫૦ ટુકડા કર્યા અને પત્ની સાથે રહેવા માટે ઘરે ગયા.'
પોલીસના જણાવ્યા અનુસાર, આરોપી તમિલનાડુ રાજ્યમાં કસાઈની દુકાનમાં કામ કરતો હતો અને ચિકન કાપવામાં નિષ્ણાત હતો. પકડાયા બાદ આરોપીએ પોતાનો ગુનો કબૂલી લીધો છે. બાળકીના શરીરના ૪૦ થી ૫૦ ટુકડા કર્યા બાદ તેને જંગલી પ્રાણીઓ ખાવા માટે જંગલમાં છોડી દીધો હતો. પોલીસને જંગલમાંથી એક બેગ પણ મળી આવી છે જેમાં યુવતીનું આધાર કાર્ડ અને અન્ય વસ્તુઓ મળી આવી હતી. બાળકીની માતાને ઘટનાસ્થળે બોલાવવામાં આવી હતી અને તેણે તેની પુત્રીનો સામાન ઓળખી કાઢયો હતો.
(9:35 AM IST)
છેલ્લા 8 દિવસમાં સૌથી લોકપ્રિય 
