વારાણસી, તા.૧૯: યુપીના પ્રયાગરાજમાં યોજાનારા કુંભ પહેલા ધાર્મિક નગરી કાશીના તીર્થસ્‍થળો પર બિનપ્રહિંદુઓના પ્રવેશ પર પ્રતિબંધ મૂકવાની માંગણી તેજ થઈ ગઈ છે. હિન્‍દુ યુવા વાહિની સહિત અન્‍ય હિન્‍દુ સંગઠનો આ અંગે આગળ આવ્‍યા છે. બેઠક બાદ હિંદુ સંગઠનોએ તીર્થસ્‍થળો પર આ નિયમ કેવી રીતે લાગુ કરી શકાય તે અંગે એક ફૂલપ્રૂફ પ્‍લાન તૈયાર કર્યો છે.

હિંદુ સંગઠનો સાથે જોડાયેલા લોકોનો આરોપ છે કે તેમની સાથે જોડાયેલા હિંદુ મંદિરો અને તીર્થસ્‍થળોમાં બિનહિંદુઓનો પ્રવેશ વધી રહ્યો છે. જેના કારણે તેની સીધી અસર આપણા તીર્થ સ્‍થળોની પવિત્રતા પર પડી રહી છે. આને રોકવા માટે તમામ હિંદુ સંગઠનો કાશીના મંદિરોના મહંતને મળશે અને ટૂંક સમયમાં મંદિરોની બહાર એક પોસ્‍ટર ચોંટાડવામાં આવશે જેના પર લખવામાં આવશે કે બિનપ્રહિંદુઓના પ્રવેશ પર પ્રતિબંધ રહેશે.

હિંદુ યુવા વાહિની સાથે જોડાયેલા અંબરીશ સિંહ ભોલાએ કહ્યું કે હવે આ અભિયાનની શરૂઆત કાશીથી કરવામાં આવી રહી છે જેથી આ અભિયાન સમગ્ર રાજ્‍ય સ્‍તરે ચલાવવામાં આવશે જેથી કરીને અમારા મંદિરોની પવિત્રતા જળવાઈ રહે.

મંદિરોમાં બિનપ્રહિંદુઓના પ્રવેશ પર પ્રતિબંધ મૂકવાનું આ અભિયાન BHU સ્‍થિત કાશી વિશ્વનાથ મંદિરથી શરૂ થશે. હિન્‍દુ યુવા વાહિનીના અભિષેક શ્રીવાસ્‍તવે જણાવ્‍યું હતું કે આ મુદ્દા અંગે BHU VC અને ચીફ પ્રોક્‍ટરને પત્ર આપવામાં આવશે અને તેમને વિશ્વનાથ મંદિરની બહાર બિન-હિંદુઓના પ્રવેશ પર પ્રતિબંધ લગાવતા બોર્ડ લગાવવા માટે અપીલ કરવામાં આવશે. જો તેઓ આ માંગ નહીં સ્‍વીકારે તો હિન્‍દુ સંગઠનો ત્‍યાં આ બોર્ડ લગાવવાનું કામ કરશે.

તમને જણાવી દઈએ કે કુંભ મેળામાં બિન-મુસ્‍લિમોના પ્રવેશ પર પ્રતિબંધની માંગ પહેલાથી જ ઉઠી છે. કાશીના સંતોએ આ મુદ્દે પોતાનો અવાજ ઉઠાવ્‍યો હતો અને યોગી સરકાર પાસે કુંભ મેળામાં બિન-હિંદુઓના પ્રવેશ પર પ્રતિબંધ મૂકવાની માંગ કરી હતી.(