નવી દિલ્હી તા.૧૫ : ભારતીય નૌકાદળમાં જોડાવા માંગતા યુવાનો માટે એક સુવર્ણ તક આવી છે. ઇન્ડિયન નેવીમાં એક્ઝિક્યુટિવ અને ટેકનિકલ બ્રાન્ચમાં ભરતી થવા માટે અરજીની પ્રક્રિયા આગામી મહિનામાં શરૂ થઈ રહી છે. જાણો ઇન્ડિયન નેવીમાં કેવી રીતે જોડાવું? નેવી માટે જરૂરી લાયકાત શું છે?

નેવીમાં જોડાઈને દેશની સેવા કરવાનું સપનું જોઈ રહેલા યુવાનો માટે સોનેરી તક આવી ગઈ છે. ઇન્ડિયન નેવીએ તાજેતરમાં એક્ઝિક્યુટિવ અને ટેકનિકલ બ્રાન્ચ માટે ભરતી બહાર પાડી છે. જેનું અધિકૃત નોટિફિકેશન બહાર પાડવામાં આવ્યું છે. B.Tech એન્ટ્રી જુલાઈ 2025 બેચ માટે ભરતીની સૂચના બહાર પાડવામાં આવી છે. અરજીની પ્રક્રિયા 06 ડિસેમ્બર 2024થી શરૂ થઈ રહી છે. અરજી ફોર્મ ભરવાની છેલ્લી તારીખ 20 ડિસેમ્બર 2024 છે. આ સમયગાળા દરમિયાન, ઉમેદવારોએ ભારતીય નૌકાદળની સત્તાવાર વેબસાઇટ www.joinindiannavy.gov.in પર અરજી કરવાની રહેશે. આ ભરતી હેઠળ 36 પદો પર નોકરી આપવામાં આવશે. 

યોગ્યતા - નેવીમાં આ ભરતી માટે અરજી કરવા માટે, ઉમેદવારોએ માન્ય બોર્ડમાંથી 10+2 એટલે કે 12મીની પરીક્ષામાં ફિઝીક્સ, કેમેસ્ટ્રી, મેથ્સ (PCM) વિષયમાં ઓછામાં ઓછા 70 ટકા માર્ક્સ હોવા જોઈએ. આ સિવાય ઉમેદવારોએ 10 અને 12માં અંગ્રેજી વિષયમાં 50 ટકા માર્ક્સ મેળવેલા હોવા જોઈએ. આ ઉપરાંત, ઉમેદવારોએ JEEMAIN 2024 પાસ કરવું પણ જરૂરી છે. ઉમેદવારો ભરતીની ઓફિશિયલ નોટિફિકેશનમાંથી વિગતવાર માહિતી ચકાસી શકે છે. જુઓ 

વય મર્યાદા - નેવીની આ ભરતી પ્રક્રિયામાં ભાગ લેવા માટે, ઉમેદવારોની જન્મ તારીખ 02 જાન્યુઆરી 2006 થી 01 જુલાઈ 2008 સુધીની હોવી જોઈએ.

ઊંચાઈ - નેવી માટે, ઉમેદવારોની ઊંચાઈ 157 સેમી હોવી જોઈએ.

પસંદગી પ્રક્રિયા - આ ભરતીમાં ઉમેદવારોની પસંદગી સીધી JEEMAIN 2024 કોમન રેન્ક લિસ્ટ (CRL-2024)ના આધારે કરવામાં આવશે. આ આધારે ઉમેદવારોને SSB ઇન્ટરવ્યુ માટે શોર્ટલિસ્ટ કરવામાં આવશે. જે બાદ મેરિટ લિસ્ટ તૈયાર કરવામાં આવશે.

અરજી ફી - આ ભરતીમાં તમામ કેટેગરીના ઉમેદવારો મફતમાં ફોર્મ ભરી શકે છે.

ઓનલાઈન અરજી સિવાય, ઉમેદવારોએ અન્ય કોઈપણ રીતે ઓફલાઈન અરજી ફોર્મ ભરવાનું રહેશે નહીં. ભરતી સંબંધિત કોઈપણ અન્ય માહિતી માટે, ઉમેદવારો ઇન્ડિયન નેવીની અધિકૃત વેબસાઇટની મુલાકાત લઈ શકે છે.