ભારતમાં સેક્સ ઉત્તેજના અને શક્તિ વધારતી દવાઓનું વેચાણ ઝડપથી વધી રહ્યું છે
૧૨ મહિનામાં ૮૦૦ કરોડનું વેચાણ : સૌથી વધુ માંગ આયુર્વેદિક ગોળીઓની છે
નવી દિલ્હી, તા.૧૪: ભારતમાં સેક્સ ઉત્તેજના અને શક્તિ વધારતી દવાઓનું વેચાણ ઝડપથી વધી રહ્યું છે. ETના અહેવાલ મુજબ, ઉદ્યોગના આંતરિક સૂત્રોનું કહેવું છે કે લોકો તેમની ખચકાટ દૂર કરી રહ્યા છે અને તેમની સેક્સ લાઇફ સુધારવાનો પ્રયાસ કરી રહ્યા છે. આ જ કારણ છે કે આ ગોળીઓની માંગ વધવા લાગી છે. માર્કેટ રિસર્ચ ફર્મ ફાર્મરેકના ડેટા દર્શાવે છે કે વાયગ્રા અને સિઆલિસ બ્રાન્ડ હેઠળ સેક્સ ઉત્તેજક ઉત્પાદનોના વેચાણમાં વાર્ષિક ધોરણે ૧૭%નો વધારો થયો છે.
ડેટા દર્શાવે છે કે વાયગ્રા બ્રાન્ડ સિલ્ડેનાફિલનું વેચાણ સપ્ટેમ્બર ૨૦૨૩માં પૂરા થયેલા ૧૨ મહિનામાં રૂ.૪૫૬ કરોડથી ૧૫% વધીને રૂ.૫૨૫ કરોડ થયું હતું. ફાર્મરેકના જણાવ્યા અનુસાર, આ જ સમયગાળા દરમિયાન Tadalafil બ્રાન્ડનું વેચાણ રૂ.૨૦૫ થી વધીને રૂ.૨૪૪ કરોડ થયું છે.
ફાર્મરેકના ડેટા દર્શાવે છે કે આ વર્ષે સપ્ટેમ્બર સુધીના છેલ્લા ૧૨ મહિનામાં સેક્સ ઉત્તેજના અને શક્તિ વધારનારી ગોળીઓનું વેચાણ રૂ.૮૨૯ કરોડ હતું. ફાર્માસ્યુટિકલ કંપનીના એક અધિકારીએ જણાવ્યું કે સેક્સ ઉત્તેજના વધારતી દવાઓની માંગ વધી છે કારણ કે હવે લોકો જાતીય વર્તન અને પ્રયોગો અંગે વધુ ઉદાર બની ગયા છે.
તેમણે નામ ન આપવાની શરતે ETને જણાવ્યું હતું કે, કંપનીઓ નવી પ્રોડક્ટ્સ લોન્ચ કરવામાં શરમાતી નથી કારણ કે માંગ વધારે છે અને તેઓ ખૂબ જ ઝડપથી વેચાણ કરે છે. સૌથી વધુ માંગ આયુર્વેદિક ગોળીઓની છે.
(10:21 AM IST)
છેલ્લા 8 દિવસમાં સૌથી લોકપ્રિય 
