નવીદિલ્હી: દેશની સેનાનું હાલમાં મૉર્ડનાઈઝેશન અને લોકલાઈઝેશનનું કામ ચાલી રહ્યું છે. એવામાં ટાટા ગ્રુપ અને બાબા કલ્યાણીની ભારત ફોજૅ ગ્રુપ જેમ બને તેમ જલ્દી એક “દેશી હથિયાર” નું મેન્યૂફૈક્ચરિંગ શરૂ કરી શકે છે. રૂ.૭૦૦૦ કરોડના બનનાર આ હથિયારને ખુદ સંરક્ષણ અનુસંધાન તેમજ વિકાસ સંગઠન (ડીઆરડીઓ) એ સેનાને માટે જ ડેવલપ કરી છે.  તેને બનાવવાનું કામ આ બંને ગ્રુપને મળી શકે છે. 

   જોકે ડીઆરડીઓ એ ભારતીય સેનાને માટે એડવાન્સ્ડ ટો આર્ટીલરી ગન સિસ્ટમ (એટીએજીએસ) ડેવલપ કરી છે. તેના મેન્યુફેક્ચરિંગને માટે ભારત ફોજૅ એ સૌથી ઓછી રકમનું બીડ લગાવ્યું છે. એવામાં હવે આ ઓર્ડરની ડીલ કંપનીને મળી શકે છે. જ્યારે ટાટા એડવાન્સ્ડ સિસ્ટમ્સ લિમિટેડ પણ આ દોડમાં સામેલ છે અને એટલા માટે ઓર્ડરનો એક ભાગ તેને પણ મળી શકે છે

   . ડીઆરડીઓ દ્વારા ડેવલપ કરવામાં આવેલ આ દેશી હથિયારને બનાવવાનો ઓર્ડર બે ભાગમાં વહેંચાઈ શકે છે. તેમાં ૬૦ ટકા ઓર્ડર ભારત ફોજૅ અને ૪૦ ટકા ઓર્ડર ટાટા એડવાન્સ્ડ સિસ્ટમ લિમિટેડને મળી શકે છે. આ બંને કંપનીયો પાસે હથિયાર બનાવવાની ટેક્નિક અને ફેસિલિટી છે.