આજથી ‘‘બ્રિકસ'' સંમેલન : પીએમ પહોંચ્યા રૂસ : ભવ્ય સ્વાગત : આજે પુટીનને મળશે : કાલે મળશે શી જિનપીંગને
બ્રિકસના અનેક નેતાઓને મળશે પીએમ
નવી દિલ્હી, તા. રરઃ વડાપ્રધાન નરેન્દ્ર મોદી બ્રિક્સની બેઠકમાં ભાગ લેવા મંગળવારે રશિયાના કઝાન પહોંચ્યા હતા. પીએમ મોદીનું કઝાન પહોંચતા જ ભવ્ય સ્વાગત કરવામાં આવ્યું હતું. તેમનું સ્વાગત કળષ્ણ ભજન સાથે કરવામાં આવ્યું હતું. અગાઉ, પીએમ મોદીએ કહ્યું હતું કે ભારત બ્રિક્સની અંદર નજીકના સહયોગને મહત્ત્વ આપે છે જે વૈશ્વિક વિકાસ એજન્ડા સાથે સંબંધિત વિવિધ મુદ્દાઓ પર સંવાદ અને ચર્ચા માટે એક મહત્વપૂર્ણ પ્લેટફોર્મ તરીકે ઉભરી આવ્યું છે. નોંધનીય છે કે બ્રાઝિલ, રશિયા, ભારત, ચીન અને દક્ષિણ આફ્રિકા બ્રિક્સના મુખ્ય સભ્યો છે અને આ જૂથ વૈશ્વિક અર્થવ્યવસ્થાના ચોથા ભાગનું પ્રતિનિધિત્વ કરે છે.
વડાપ્રધાન નરેન્દ્ર મોદી બ્રિક્સ સમિટમાં ભાગ લેવા રશિયા પહોંચી ગયા છે. તેઓ મંગળવારે રશિયાના કઝાન શહેર પહોંચ્યા હતા. આ દરમિયાન તેઓ પહેલા રશિયન રાષ્ટ્રપતિ વ્લાદિમીર પુતિન સાથે દ્વિપક્ષીય બેઠક કરશે.
PM મોદી ૧૬માં BRICS સમિટમાં ભાગ લેવા માટે કઝાન પહોંચ્યા છે. કઝાન પહોંચતા જ એરપોર્ટ પર તેમનું ઉષ્માભર્યું સ્વાગત કરવામાં આવ્યું હતું. પીએમ મોદી મંગળવારે બપોરે ૩.૩૦ વાગ્યાની આસપાસ પુતિનને મળી શકે છે. પુતિન ઉપરાંત તેઓ ઘણા બ્રિક્સ સભ્ય દેશોના વડાઓને પણ મળશે.
પીએમ મોદી અહીં ચીનના રાષ્ટ્રપતિ શી જિનપિંગને પણ મળી શકે છે. ભારત અને ચીન વચ્ચે લાંબા સમયથી ચાલી રહેલ સૈન્ય ગતિરોધ વચ્ચે મોદી અને જિનપિંગની આ મુલાકાત ખૂબ જ મહત્વપૂર્ણ માનવામાં આવે છે. ચાલો હવે જાણીએ કે બ્રિક્સ શું છે અને તેની સ્થાપના કયારે થઈ હતી.
ઞ્- જેવા પ્રભાવશાળી સમૂહની સરખામણીએ બ્રિક્સનો ઈતિહાસ ભલે બહુ જૂનો ન હોય, પરંતુ આ સમિટમાં આવા મોટા નિર્ણયો લાગુ થઈ શકે છે, જેની ભવિષ્યમાં મોટી અસર થઈ શકે છે. આમાંથી એક બ્રિક્સ ચલણ છે. બ્રિક્સ દેશો ડોલરના વર્ચસ્વ સાથે સ્પર્ધા કરી શકે તેવી અનામત ચલણ શરૂ કરવા માંગે છે. રશિયાના કઝાન શહેરમાં ૨૨ થી ૨૪ ઓક્ટોબર દરમિયાન યોજાનારી BRICS સમિટમાં સભ્ય દેશો આવી ગોલ્ડ બેક BRICS ચલણ રજૂ કરવા પર ચર્ચાને આગળ વધારી શકે છે.
ચીન સાથે અમેરિકાના વેપાર યુદ્ધ અને ચીન અને રશિયા પર અમેરિકાના પ્રતિબંધો વચ્ચે જો બ્રિક્સ દેશો આ નવા ચલણ પર સહમત થાય છે તો આંતરરાષ્ટ્રીય નાણાકીય વ્યવસ્થાને પડકારવાની સાથે સાથે તે આ સભ્ય દેશોની આર્થિક તાકાત પણ વધારી શકે છે.
હાલમાં આંતરરાષ્ટ્રીય નાણાકીય વ્યવસ્થામાં યુએસ ડોલરનું વર્ચસ્વ છે. વિશ્વભરમાં લગભગ ૯૦ ટકા વેપાર યુએસ ડોલરમાં થાય છે. તે જ સમયે, અત્યાર સુધી ૧૦૦ ટકા ઓઇલ ટ્રેડિંગ માત્ર યુએસ ડોલરમાં જ થતું હતું, પરંતુ ગયા વર્ષે અહેવાલ મુજબ કેટલાક ઓઇલ ટ્રેડિંગ નોન-યુએસ ડોલરમાં પણ થવા લાગ્યું છે.
વડા પ્રધાને જણાવ્યું હતું કે ગયા વર્ષે નવા સભ્યોના ઉમેરા સાથે બ્રિક્સના વિસ્તરણથી વૈશ્વિક સુધારણા માટે તેની સર્વસમાવેશકતા અને એજન્ડામાં વધારો થયો છે. મોદીએ કહ્યું કે તેઓ સમિટમાં વિવિધ વિષયો પર વ્યાપક ચર્ચા થવાની આશા રાખે છે. રશિયા દ્વારા આયોજિત આ સમિટને યુક્રેનમાં સંઘર્ષ અને પﾍમિ એશિયામાં બગડતી પરિસ્થિતિ વચ્ચે બિન-પﾍમિ દેશો દ્વારા તેમની તાકાત બતાવવાના પ્રયાસ તરીકે જોવામાં આવી રહી છે.
(3:23 PM IST)
છેલ્લા 8 દિવસમાં સૌથી લોકપ્રિય 
