રેલ્વેએ પાન-ગુટખાના ડાઘ દૂર કરવા પાછળ ૧૨,૦૦૦ કરોડ રૂપિયા ખર્ચ્યા
રેલ્વેની યોજના મુજબ, જે લોકો રેલ્વે સ્ટેશનો પર પાન, પાન મસાલા અને ગુટખાની લાકડીઓ થૂંકે છે તેમને આ સ્પિટર કિઓસ્ક દ્વારા સ્પીટૂન પાઉચ આપવામાં આવશે
નવી દિલ્હી, તા.૨૨: દેશમાં સ્વચ્છતા પ્રત્યે લોકોને જાગળત કરવા કેન્દ્ર સરકારે સ્વચ્છ ભારત અભિયાન શરૂ કર્યું છે. સમયાંતરે વડાપ્રધાન મોદી પોતે દરિયા કિનારે તો કયારેક દિલ્હીના લુટિયન ઝોનમાં સફાઈ કરતા જોવા મળે છે. આ સિવાય અન્ય સેલિબ્રિટીઓ પણ આ કેમ્પેનને પ્રમોટ કરવામાં વ્યસ્ત છે. આમ છતાં લોકો જાહેર સ્થળોએ થૂંકવાની આદત છોડતા નથી. ચોંકાવનારી વાત એ છે કે દેશના સૌથી મોટા ઉદ્યોગનો દરજ્જો હાંસલ કરનાર ભારતીય રેલ્વેને તેના સ્ટેશનો અને ટ્રેનોમાં પાન મસાલા અને ગુટખાના ડાઘ સાફ કરવા માટે ૧૨૦૦ કરોડ રૂપિયા ખર્ચવા પડ્યા હતા. હવે લોકો પોતાની આદત છોડતા નથી ત્યારે રેલવેએ નવી યોજના બનાવવી પડી.
પંજાબ કેસરીની વેબસાઈટ પર પ્રકાશિત થયેલા અહેવાલ મુજબ, કોરોના મહામારી દરમિયાન જ રેલવેએ ચેપના ફેલાવાને રોકવા માટે લોકોને જાહેર સ્થળોએ થૂંકવાથી રોકવા માટે એક નવી યોજનાની જાહેરાત કરી હતી. આ યોજના હેઠળ, તેણે દેશના પસંદગીના રેલવે સ્ટેશનો પર સ્પિટર કિઓસ્ક સ્થાપિત કરવાની જાહેરાત કરી હતી. તે સમયે તેમણે દેશના લગભગ ૪૨ સ્ટેશનો પર સ્પિટર કિઓસ્ક લગાવવાની વાત કરી હતી.
રેલ્વેની યોજના અનુસાર, જે લોકો રેલ્વે સ્ટેશનો પર પાન, પાન મસાલા અને ગુટખાની લાકડીઓ થૂંકે છે તેમને આ સ્પિટર કિઓસ્ક દ્વારા સ્પીટૂન પાઉચ આપવામાં આવશે. જાહેર સ્થળોએ થૂંકનારાઓએ આ થૂંકવાના પાઉચ માટે ૫ થી ૧૦ રૂપિયા ચૂકવવા પડશે. આ યોજના લાવવા પાછળ રેલવેનો ઉદ્દેશ્ય રેલવે સ્ટેશનો અને ટ્રેનોને સ્વચ્છ રાખવાનો છે.(
(10:14 AM IST)
છેલ્લા 8 દિવસમાં સૌથી લોકપ્રિય 
