મહારાષ્ટ્રમાં વિધાનસભા ચૂંટણીની જાહેરાત પહેલા જ મોટો રાજકીય વિકાસ જોવા મળ્યો છે. એનસીપી અજિત પવાર જૂથના નેતા બાબા સિદ્દીકીની શનિવારે રાત્રે મુંબઈના બાંદ્રા પૂર્વમાં ગોળી મારીને હત્યા કરવામાં આવી હતી. બાબા સિદ્દીકીની ગણતરી મહારાષ્ટ્રના મોટા નેતાઓમાં થાય છે. લોકસભાની ચૂંટણી પહેલા તેઓ કોંગ્રેસ છોડીને NCP જૂથમાં જોડાયા હતા.

   હવે વિધાનસભાની ચૂંટણીની જાહેરાતના થોડા દિવસો પહેલા જ તેમની ગોળી મારીને હત્યા કરવામાં આવી હતી. બાબા સિદ્દીકીની હત્યા બાદ મહારાષ્ટ્રના રાજકીય સમીકરણો બદલાઈ શકે છે. ઘટના બાદ તરત જ ઉદ્ધવ ઠાકરેની શિવસેનાએ રાજ્યમાં કાયદો અને વ્યવસ્થાની સ્થિતિ પર સવાલો ઉઠાવતા મુખ્યમંત્રી એકનાથ શિંદે અને ડેપ્યુટી સીએમ દેવેન્દ્ર ફડણવીસના રાજીનામાની માંગ કરી છે.

   ઘટના પર સીએમ શિંદેએ કહ્યું છે કે આરોપીઓ સામે કડક કાર્યવાહી કરવામાં આવશે અને મામલો ફાસ્ટ ટ્રેક કોર્ટમાં લઈ જવામાં આવશે. આ ઘટના બાદ કાયદો અને વ્યવસ્થા પર સવાલો ઉભા થયા છે બાબા સિદ્દીકીની હત્યા બાદ મહારાષ્ટ્રની શિંદે સરકાર નિશાના પર આવી છે. વિરોધ પક્ષોના નેતાઓ સરકાર પર સીધા સવાલો ઉઠાવતા જોવા મળ્યા છે. સાથી પક્ષ ભાજપના લોકોએ પણ આ ઘટના પર ચિંતા વ્યક્ત કરી છે. ભાજપના નેતા કિરીટ સોમૈયાએ કહ્યું કે બાબા સિદ્દીકીની હત્યા ચિંતાનો વિષય છે. સરકારે વિશેષ ટીમ બનાવી તેની તપાસ કરાવવી જોઈએ. તેમણે કહ્યું કે આ એક મોટું ષડયંત્ર લાગે છે, કડક કાર્યવાહી થવી જોઈએ