મુંબઈ : ઈન્ડિયન પ્રીમિયર લીગ 2025ની મેગા ઓક્શન પહેલા BCCI સેક્રેટરી જય શાહે ખેલાડીઓને લઈને મોટી જાહેરાત કરી છે. જય શાહે જાહેરાત કરી છે કે હવે કરાર સિવાય ખેલાડીઓને દરેક મેચ રમવા માટે અલગથી ફી આપવામાં આવશે.

જય શાહે ટ્વીટ કર્યું હતું કે IPLમાં રમી રહેલા ખેલાડીઓને દરેક મેચ રમવા માટે 7.5 લાખ રૂપિયાની અલગથી રકમ આપવામાં આવશે, તે ઉપરાંત કોઈપણ ટીમ સાથે કરારની રકમ પણ આપવામાં આવશે. જો કોઈ ખેલાડી આખી સિઝનમાં તમામ મેચ રમે છે તો તે ટીમ સાથેના કરાર કરતાં 1.05 કરોડ રૂપિયા વધુ કમાઈ શકે છે.