પહેલા પેજર, પછી રેડિયો સેટ અને વોકી ટોકીમાં વિસ્ફોટ પછી પણ ઇઝરાયેલે તેનો કાળો કેર વર્તાવવાનું ચાલુ રાખ્યું છે. ઇઝરાયેલી સેનાએ હવાઇ હુમલો જારી રાખતાં આતંકી સંગઠન હિઝબુલ્લાહના વરિષ્ઠ સૈન્ય અધિકારી 70 લાખ ડોલરનો ઇનામી ઇબ્રાહીમ અકીલને નિશાન બનાવીને તેને મોતને ઘાટ ઉતારી દીધા હતા. આ ઘટનામાં હિઝબુલ્લાહના 10 આતંકીઓ ઠાર મરાયા છે અને 60થી વધુને ઇજા પહોંચી છે.

ઇઝરાયેલના હુમલામાં હિઝબુલ્લાને છેલ્લાં ચાર દિવસથી ઘણું નુકસાન પહોંચ્યું છે. જોકે સામે ઇઝરાયેલે પણ 150થી વધુ રોકેટ હુમલા કર્યા છે. જોકે તેનાથી ઇઝરાયેલને કોઇ મોટું નુકસાન થયું હોય તેવો અહેવાલ નથી. ઇઝરાયેલના બે સૈનિકોના મોત નીપજ્યા છે. હિઝબુલ્લાહે ઇલેક્ટ્રોનિક ઉપકરણોમાં વિસ્ફોટ માટે ઇઝરાયેલને જવાબદાર ઠેરવ્યું છે. એ પછી તેણે હુમલા વધારી દીધા છે. ઇઝરાયેલે લેબનોનની સરહદે સૈનિકોની તૈનાતી વધારી દીધી છે.

અકીલ હિઝબુલ્લાહનું સૌથી ટોચનું લશ્કરી સંગઠન જિહાદ કાઉન્સિલમાં હતો. 1983માં બે આતંકી હુમલા બદલ અમેરિકાએ તેના પર પ્રતિબંધ મુક્યો છે. આ હુમલામાં 300 લોકો મર્યા હતા. બેરુતમાં ઇઝરાયેલના હવાઇ હુમલામાં અનેક ઇમારતોને ભારે નુકસાન થયું છે. આમાં 60થી વધુ લોકોને ઇજા પહોંચી છે. રાડવાન ફોર્સનો વડા ઇબ્રાહિમ અકીલ એક ઇમારતમાં હોવાથી તે ઝેર કરી દેવાયો હતો. ઇઝરાયેલને તાજેતરના દિવસોમાં આ એક મહત્વની સફળતા માનવામાં આવે છે.