નવી દિલ્હી તા.૧૬ : કેન્દ્રીય લઘુમતી પ્રધાન કિરેન રિજિજુએ 8 ઓગસ્ટે લોકસભામાં વકફ સંશોધન બિલ 2024 રજૂ કર્યું હતું. પરંતુ આ બિલ હવે સંયુક્ત સંસદીય સમિતિ (JPC) પાસે છે. સમિતિએ આ બિલ પર દેશભરના મુસ્લિમ સંગઠનો પાસેથી અભિપ્રાય માંગ્યા છે. પરંતુ આ દરમિયાન બિલ પર અલગ-અલગ નિવેદનો પણ જોવા મળી રહ્યા છે. હવે ઉત્તરાખંડના મદરસા બોર્ડના અધ્યક્ષે આ અંગે પોતાની પ્રતિક્રિયા આપી છે.

કિરેન રિજિજુએ લોકસભામાં બિલ રજૂ કર્યું હતું.ઘણા વિરોધ પક્ષોએ આ બિલનો ખુલ્લેઆમ વિરોધ કર્યો હતો.મુસ્લિમ સંગઠનો આ બિલ વિરુદ્ધ અભિયાન ચલાવી રહ્યાં છે.

 વકફ એમેન્ડમેન્ટ બિલ-2024ને લઈને દેશમાં રાજકીય ગરમાવો છે. તમામ મુસ્લિમ સંગઠનો આ બિલનો ખુલ્લેઆમ વિરોધ કરી રહ્યા છે, જ્યારે વિપક્ષે પણ સરકારના ઈરાદા પર સવાલ ઉઠાવ્યા છે. ભાગેડુ ઝાકિર નાઈક વિદેશમાં બેસીને મુસ્લિમોને ગેરમાર્ગે દોરી રહ્યો છે.