મધ્યપ્રદેશના ગુના જિલ્લામાં એક માસૂમ બાળકી પર બળાત્કાર અને હત્યાની ભયાનક ઘટના સામે આવી છે. નવાઈની વાત એ છે કે આ ઘટનાને પીડિતાના દુષ્ટ પિતાએ અંજામ આપ્યો હતો. શનિવારે પીડિતાનો મૃતદેહ કૂવામાંથી મળી આવ્યો હતો. તેના હાથ-પગ બાંધેલા હતા. પોલીસે 24 કલાકમાં આ હત્યાનો ભેદ ઉકેલી નાખ્યો હતો અને આરોપીની ધરપકડ કરી હતી. પોલીસ કસ્ટડીમાં તેની પૂછપરછ કરવામાં આવી રહી છે.

    એક પોલીસ અધિકારીએ જણાવ્યું કે જિલ્લા મુખ્યાલયથી લગભગ 75 કિલોમીટર દૂર ચાચોડા પોલીસ સ્ટેશન વિસ્તારના એક ગામમાં રહેતી આઠ વર્ષની બાળકી ત્રણ દિવસ પહેલા ગુમ થઈ ગઈ હતી. ત્યારબાદ તેની લાશ મળી આવતા પરિવારજનોએ પોલીસને જાણ કરી હતી. પોલીસ ઘટનાસ્થળે પહોંચી, મૃતદેહનો કબજો લીધો અને તેને પોસ્ટમોર્ટમ માટે મોકલી આપ્યો, જ્યાં ડોક્ટરોએ હત્યા પહેલા બળાત્કારની પુષ્ટિ કરી. જે બાદ પોલીસ તપાસમાં એક સનસનીખેજ ખુલાસો થયો છે.

  પોલીસ સ્ટેશનના ઈન્ચાર્જ મચલ સિંહ મંડેલિયાએ જણાવ્યું હતું કે પીડિતાના પિતાની સંભવિત સંડોવણી વિશે શંકા ઊભી થઈ હતી કારણ કે તેઓ તેમની પુત્રીની શોધ અને તપાસમાં રસ દાખવતા ન હતા. છોકરી ગુમ થઈ તે પહેલા તેના પિતા સાથે છેલ્લીવાર જોવામાં આવી હતી. રવિવારે સવારે બાળકીના અંતિમ સંસ્કાર બાદ પોલીસે તેના પિતાને કસ્ટડીમાં લીધા હતા. આ પછી પોલીસ કસ્ટડીમાં તેની કડક પૂછપરછ કરવામાં આવી તો તેણે મોં ખોલ્યું.

    આરોપી પિતાએ જણાવ્યું કે બાળકીની હત્યા કર્યા બાદ તેણે તેના હાથ-પગ પથ્થરથી બાંધીને કૂવામાં ફેંકી દીધા. ચાચોડા સબ-ડિવિઝનલ પોલીસ ઓફિસર (SDOP) દિવ્યા રાજાવતે જણાવ્યું હતું કે પ્રાથમિક પોસ્ટમોર્ટમ રિપોર્ટમાં સ્થાનિક સરકારી હોસ્પિટલના ડૉ. અંકિત ઉપાધ્યાયે આશંકા વ્યક્ત કરી છે કે બાળકીની હત્યા કરતા પહેલા તેના પર બળાત્કાર કરવામાં આવ્યો હતો. કહેવામાં આવી રહ્યું છે કે આરોપી પોતાની દીકરીને નફરત કરતો હતો