નવી દિલ્હી : ભાજપના વરિષ્ઠ નેતા અને હરિયાણાના ભૂતપૂર્વ પ્રધાન અનિલ વિજે જણાવ્યું હતું કે જો રાજ્યમાં 5 ઓક્ટોબરે યોજાનારી વિધાનસભાની ચૂંટણીઓ પછી પાર્ટી સત્તા પર પાછા આવશે તો તેઓ મુખ્ય પ્રધાન પદ માટે દાવો કરશે.

છ વખતના ધારાસભ્ય વિજની આ ટિપ્પણી પહેલા જ ભાજપે સ્પષ્ટ કરી દીધું છે કે જો તે સત્તામાં પરત ફરશે તો નાયબ સિંહ સૈની જ મુખ્યમંત્રી રહેશે.

  વિજે કહ્યું, “આજ સુધી મેં પાર્ટી પાસેથી ક્યારેય કંઈ માંગ્યું નથી… હરિયાણાના લોકો મને મળવા આવી રહ્યા છે. અંબાલામાં પણ લોકો મને કહે છે કે હું સૌથી વરિષ્ઠ છું, પરંતુ હું મુખ્યમંત્રી નથી બન્યો. લોકોની માંગ અને સિનિયોરિટીના આધારે આ વખતે હું મુખ્યમંત્રી બનવાનો દાવો રજૂ કરીશ.

   અંબાલા કેન્ટના ધારાસભ્ય વિજે કહ્યું, “પાર્ટી મને મુખ્યમંત્રી બનાવે છે કે નહીં, તે તેના પર નિર્ભર છે. પરંતુ જો તે મને મુખ્યમંત્રી બનાવે તો હું હરિયાણાનું ભાગ્ય અને ચિત્ર બદલી નાખીશ.

  અંબાલામાં પત્રકારો સાથે વાત કરતી વખતે જ્યારે તેમની ટિપ્પણી પર સ્પષ્ટતા કરવા માટે પૂછવામાં આવ્યું ત્યારે, વિજે પીટીઆઈને ફોન પર કહ્યું, "હું પાર્ટીનો સૌથી વરિષ્ઠ ધારાસભ્ય છું અને છ ચૂંટણી જીત્યો છું અને સાતમી ચૂંટણી લડી રહ્યો છું." મેં આજ સુધી ક્યારેય મારી પાર્ટી પાસેથી કંઈ માંગ્યું નથી.

  અનિલ વિજે (71) કહ્યું, "પરંતુ સમગ્ર હરિયાણા અને મારા પોતાના મતવિસ્તારના લોકો મને મળી રહ્યા છે... હું મુખ્યમંત્રી પદ માટે દાવો કરીશ."