ગાંધીનગર : રાજ્ય શિક્ષણ મંત્રી પ્રફૂલ પાનશેરીયાએ અનુદાનિત કોલેજોના અધ્યાપકોને લઈ મોટી જાહેરાત કરી છે. તેમણે ટ્વીટ કરી જાણકારી આપી છે કે, ફિક્સ પગારના અધ્યાપકોના પગારમાં 30 ટકાનો વધારો કરાયો છે. ઉલ્લેખનીય છે કે, અધ્યાપકોને 30 ટકા વધારો આપી રૂપિયા 52 હજાર કરવામાં આવ્યો છે તેમજ રાજ્ય સરકાર દ્વારા ઠરાવની તારીખથી લાભ આપશે

   મંત્રી પ્રફૂલ પાનશેરીયા ટ્વીટ કરી જણાવ્યું છે કે, મુખ્યમંત્રી ભૂપેન્દ્ર પટેલના માર્ગદર્શન હેઠળ અનુદાનિત કોલેજોમાં ફિક્સ પગારમાં ફરજ બજાવતા અધ્યાપક સહાયકોને 30% જેટલો પગાર વધારાનો લાભનો નિર્ણય કરવામાં આવ્યો છે. હવેથી અનુદાનિત કોલેજોમાં ફિક્સ પગારમાં ફરજરત અધ્યાપક સહાયકોને માસિક રૂ.52,000 મળશે.

  થોડા દિવસ અગાઉ મહેસાણા જીલ્લાનાં કડીનાં રાજપુર ખાતે આવેલ શારદા કોલેજ ઓફ એજ્યુંકેશનનુંમાં શિક્ષણ વિભાગ દ્વારા સ્થળ તપાસ કર્યા બાદ ગંભીર બેદરકારી સામે આવી હતી. જે બાદ શિક્ષણ વિભાગ દ્વારા તાત્કાલીક ધોરણે કોલેજનું જોડાણ રદ્દ કરવા હુકમ કર્યો હતો. ત્યારે સ્થળ વિઝીટ દરમ્યાન ગંભીર બેદરકારી સામે આવી હતી.