નવી દિલ્‍હી તા. ૧૮: વોટ્‍સએપ ઉપર એક મોટું અપડેટ આવી રહ્યું છે. તેની મદદથી યૂઝર્સ કોઈપણ અજાણી વિદેશી ભાષાના યૂઝર્સ સાથે સરળતાથી ચેટ કરી શકશે. વોટ્‍સએપના આગામી ફીચર્સ પર નજર રાખતી વેબસાઈટ WABetaInfoં અનુસાર, Meta તેની એપમાં ટ્રાન્‍સલેશન ફીચર પર કામ કરી રહ્યું છે. અહીં યૂઝર્સ જાતે જ નક્કી કરી શકે છે કે તેમને ઓટોમેટિક ટ્રાન્‍સલેશનની સુવિધા જોઈએ છે કે નહીં.

રિપોર્ટ અનુસાર, આ ફીચર હજુ ડેવલપમેન્‍ટ સ્‍ટેજમાં છે. તેનું ધ્‍યાન અનુવાદના અનુભવને સુધારવાનું છે. આ ફીચર લાવવાનો હેતુ યૂઝર અનુભવને સારો બનાવવાનો છે.

રિપોર્ટ અનુસાર, જ્‍યારે તમને કોઈ એવો મેસેજ મળે છે જે તમારી ભાષામાં નથી અને તમે તેને સમજી શકતા નથી, તો તેનો અનુવાદ કરવા માટે તમે પહેલા તેને સિલેબાઇઝ કરો અને પછી તેનો અનુવાદ કરો. તેના બદલે તમે ઓટોમેટિક અનુવાદ સુવિધા પસંદ કરી શકો છો, જે આપમેળે આવતા તમામ મેસેજનું ભાષાંતર કરે છે. વધુ સારા પરિણામો માટે જો જરૂરી હોય તો, તમારે WhatsAppની અંદર ભાષા પેક ડાઉનલોડ કરવું પડશે.

આ ફીચર આવ્‍યા પછી  તમે ટ્રાન્‍સલેટ મેસેજ ચેટ બબલની અંદર જોશો, જેમાં સ્‍પષ્ટ રીતે લખવામાં આવશે કે તેનું ભાષાંતર કરવામાં આવ્‍યું છે. અહીં તમે મૂળ મેસેજ તેમજ અનુવાદિત વર્જન સરળતાથી જોઈ શકો છો. આવી સ્‍થિતિમાં ભાષા બદલવાથી કોઈ ખોટી માહિતી ફેલાશે નહીં.

શરૂઆતમાં કેટલીક ભાષાઓનો સપોર્ટ મળશે. તેમાં હિન્‍દી, અંગ્રેજી, અરબી, પોર્ટુગીઝ (બ્રાઝિલ), રશિયનના નામ પણ સામેલ છે. ભવિષ્‍યના અપડેટ્‍સમાં વધુ ભાષાઓનો સમાવેશ કરવામાં આવશે. વોટ્‍સએપનું આ ફીચર ટૂંક સમયમાં આવી જશે, પરંતુ હજુ સુધી કોઈ ટાઈમલાઈનનો ઉલ્લેખ કરવામાં આવ્‍યો નથી. આગામી દિવસોમાં વીડિયો નોટ ફીચર પણ લોન્‍ચ કરવામાં આવશે, જેના વિશે ઘણી વખત માહિતી સામે આવી છે. વોટ્‍સએપે હાલમાં જ ફેવરિટ ચેટનું ફીચર લોન્‍ચ કર્યું છે. આ ફીચર ટૂંક સમયમાં તમામ યૂઝર્સ સુધી પહોંચશે.