નવી દિલ્‍હી તા. ૧૮ : ગુજરાતમાં આ મહિનાના અંત સુધીમાં મંત્રીમંડળનું વિસ્‍તરણ થશે. જો કે ગુજરાતનાﾠમંત્રીઓને એ સંકેત આપવામાં આવ્‍યો છે કે તે કોઈ પણ નીતિ સંબંધીત નિર્ણય લ્‍યે નહીં. મંત્રીમંડળમાં પણ ખળભળાટ મચ્‍યો છે. નવા મંત્રીમંડળમાં અનેક લોકોના પત્તા કપાશે. મોટા ફેરબદલ થવાનાﾠએંધાણ દેખાય રહ્યા છે. બીજી બાજુ આઠ થી દસ નવા ધારાસભ્‍યોને મંત્રી મંડળમાં જગ્‍યા મળશે એ નક્કી છે. હાલના સમયમાં ગુજરાતમાં મુખ્‍યમંત્રી ઉપરાંત ૧૬ મંત્રી છે. જેમાં આઠ કેબિનેટ અને આઠ રાજયસ્‍તરીય મંત્રી છે. આગામી સમયમાં મંત્રીમંડળના ૨૫ સભ્‍યો હોવાની સંભાવના વ્‍યકતﾠકરવામાં આવી રહી છે.ﾠતેમ રાજસ્‍થાન પત્રિકા જણાવે છે.

ખાસ કરીને કોંગ્રેસ છોડીને બીજેપીમાં સામેલ થયા અને પોરબંદરમાં પેટાચૂંટણીમાંﾠ ﾠપસંદ પામેલા અર્જુન મોઢવાડીયાﾠઅને વિજાપુરથીﾠપસંદ પામેલા સી.જે. ચાવડા, ખંભાતથીﾠધારાસભ્‍ય તરીકે પસંદ પામેલા ચિરાગ પટેલ અને વાઘોડિયાથી ધારાસભ્‍ય બનેલા ધર્મેન્‍દ્રસિંહ જાડેજાને મંત્રીમંડળમાં જગ્‍યા મળશે. બીજી બાજુ એવા અનેક મંત્રી છે. જેનાﾠપરફોર્મન્‍સ નબળા છે તેમની મંત્રીમંડળમાંથી છુટ્ટી કરાશે. ખાસકરીનેﾠદક્ષિણ ગુજરાતનાﾠએક કે બે મંત્રીનું પત્તુ કપાશે.ﾠ

રાજનૈતિક વિશેષજ્ઞોનું માનવું છે કે લોકસભા ચૂંટણી પહેલા બીજેપીએ તેમના ધારાસભ્‍યોને મતનો ટાર્ગેટ આપ્‍યો હતો. એવા વિધાનસભા ક્ષેત્ર જયાંﾠબીજેપીને ઓછા મત મળે છે. તેના લીધેﾠલોકસભા ચૂંટણીમાં બીજેપી ઉમેદવારોનાﾠમત પર અસર પડી છે. એવા વિધાનસભા ક્ષેત્રોનાﾠમંત્રીઓને મુશ્‍કેલી થઇ શકે છે.