<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Thursday, 11th July 2024

સાઉદી એરલાઈન્સના પ્લેનમાં અચાનક લાગી આગ: પેશાવરમાં ઈમરજન્સી લેન્ડિંગ :પ્લેનમાંથી કૂદવા લાગ્યા લોકો :જુઓ વિડિઓ

વિમાન સાઉદી અરેબિયાના રિયાધથી પેશાવર આવ્યું:આ વિમાનમાં 275 મુસાફરો અને 21 કેબિન ક્રૂ મેમ્બર સવાર

પેશાવરઃ બુધવારે પાકિસ્તાનના પેશાવર એરપોર્ટ પર સાઉદી અરેબિયાના પેસેન્જર પ્લેનમાં આગ લાગી હતી. પ્લેન લેન્ડ થયા પછી તરત જ આગની ઘટના બની હતી અને તમામ મુસાફરો અને કેબિન ક્રૂને સલામત રીતે બહાર કાઢવામાં આવ્યા હતા.

  જ્યારે સાઉદી એરલાઈન્સની ફ્લાઈટ 792 પેશાવર એરપોર્ટ પર લેન્ડ થઈ ત્યારે તેમાંથી ધુમાડો નીકળતો જોવા મળ્યો હતો. થોડી જ વારમાં એર ટ્રાફિક કંટ્રોલરે પાયલટને જાણ કરી. તેમજ ફાયર એન્ડ રેસ્ક્યુ સર્વિસને પણ આ અંગે જાણ કરવામાં આવી હતી. આગની માહિતી મળતાં જ ફાયર બ્રિગેડની ગાડીઓ ઘટનાસ્થળે પહોંચી ગઈ હતી. આ આગ ઝડપથી ઓલવાઈ ગઈ હતી. વિમાનમાંથી તમામ મુસાફરો અને ક્રૂને સુરક્ષિત રીતે બહાર કાઢવામાં આવ્યા હતા.

   આ પ્લેન સાઉદી અરેબિયાના રિયાધથી પેશાવર આવ્યું હતું. આ વિમાનમાં 275 મુસાફરો અને 21 કેબિન ક્રૂ મેમ્બર સવાર હતા. આ ઘટનામાં કોઈ જાનહાનિના સમાચાર નથી. આ ઘટના ખૂબ જ ડરામણી હતી, પરંતુ તકેદારી અને તાત્કાલિક કાર્યવાહીના કારણે તમામ મુસાફરો સુરક્ષિત છે.

(6:33 PM IST)