<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Thursday, 11th July 2024

પ્રાગ ઝૂમાં આ દુર્લભ પ્રાણીના જન્મની ઉજવણી, પ્રજાતિનું અસ્તિત્વ જોખમમાં

તેના માટે ખાસ ખોરાક અને પર્યાવરણ પ્રદાન કરવાનો ,મોટો પડકાર

નવી દિલ્હી :દુર્લભ માદા પેંગોલિનના જન્મ બાદ ચીનના પ્રાગ ઝૂના સ્ટાફમાં ઉત્તેજનાનો માહોલ છે. સ્ટાફ બેબી ચાઈનીઝ પેંગોલિનની સારી સંભાળ લઈ રહ્યો છે. બે વર્ષ પહેલા પણ એક પેંગોલિનનો જન્મ થયો હતો. આ પ્રજાતિનું અસ્તિત્વ જોખમમાં છે. સંરક્ષણ માટે ઘણા પ્રયત્નો કરવામાં આવી રહ્યા છે

  ચીનના પ્રાગ ઝૂમાં ઉજવણીનો માહોલ જોવા મળી રહ્યો છે. ઉજવણીનું કારણ જાણીને તમે પણ ખુશ થઈ જશો. ચીનમાં લુપ્ત થવાના આરે એક દુર્લભ ચીની પેંગોલિન બીજી વખત પ્રાણી સંગ્રહાલયમાં જન્મી છે. જે બાદ કર્મચારીઓમાં આનંદની લાગણી જોવા મળી રહી છે. સતત બે વર્ષમાં આ બીજી વખત છે જ્યારે માદા પેંગોલિનને જન્મ આપ્યો છે. સ્ટાફ સતત આ જીવની કાળજી લઈ રહ્યો છે. એવી અપેક્ષા છે કે આ અઠવાડિયા સુધીમાં આ પેંગોલિનનું વજન 250 ગ્રામ સુધી પહોંચી શકે છે. ઝૂ મેનેજમેન્ટની દેખરેખ હેઠળ પેંગોલિન ફૂલીફાલી રહ્યું છે.

    ઝૂના ડિરેક્ટર મિરોસ્લાવ બોબેકે સતત બે વર્ષમાં બે પેંગોલિનના જન્મ પર આશ્ચર્ય વ્યક્ત કર્યું છે. બોબેકના મતે, કેદમાં અને સંભાળ હેઠળ પેંગોલિનનું સંવર્ધન કરવું ખરેખર પડકારજનક છે.

  તેમના માટે વિશેષ આહાર અને અનુકૂળ વાતાવરણ પૂરું પાડવું સરળ નથી. પેંગોલિનના સંરક્ષણ તરફ આ એક સીમાચિહ્નરૂપ છે. પ્રાગ ઝૂમાં બે વર્ષથી ઓછા સમયમાં બીજી વખત દુર્લભ પેંગોલિનનો જન્મ થયો છે. જેનું સૌએ ઉત્સાહભેર સ્વાગત કર્યું છે. ગયા વર્ષે આ પેંગોલિનની બહેનનો જન્મ થયો હતો. જે હજુ પણ ઝૂ મેનેજમેન્ટની દેખરેખ હેઠળ વિકસી રહી છે. જન્મ સમયે તેનું વજન માત્ર 141 ગ્રામ હતું

. બોબેકે આશા વ્યક્ત કરી છે કે આ સપ્તાહ સુધીમાં પેંગોલિનનું વજન 250 ગ્રામ સુધી પહોંચી જશે. તમને જણાવી દઈએ કે તંદુરસ્ત પુખ્ત ચાઈનીઝ પેંગોલિનનું વજન 6.8 કિલો સુધી હોઈ શકે છે. અગાઉ, તાઈપેઈમાં આવા જ બે સફળ પ્રજનન કેસ નોંધાયા હતા.

(12:12 AM IST)