તા. ૨૯ જાન્યુઆરી ર૦ર૫ વિક્રમ સંવત ર૦૮૧ પોષ સુદ – ૧૫ બુધવાર
News of Wednesday, 10th July 2024
ITR ફોર્મમાં વિદેશી આવક અને ઇક્વિટી શેરની જાણ કેમ કરશો ?: નહીં કરી તો 10 લાખનો દંડ અને જેલ થઈ શકે
આવકવેરા રિટર્ન ફોર્મ 2 અને 3 માં વિદેશી સંપત્તિ, આવક અને લાભકારી માલિકીની જાણ કરવા માટે MF શેડ્યૂલનો સમાવેશ

નવી દિલ્હીઃ આવકવેરા રિટર્ન ભરવાની છેલ્લી તારીખ ધીમે ધીમે નજીક આવી રહી છે. આવી સ્થિતિમાં, લોકો ઉતાવળમાં ITR ફાઇલ કરવામાં ઘણી ભૂલો કરે છે અને કેટલીક વસ્તુઓની વિગતો આપવાનું ભૂલી જાય છે, જેના કારણે તેમને ભારે નુકસાન સહન કરવું પડે છે. આજે અમે તમને વિદેશી આવક અને ઇક્વિટી શેરની જાણ કેવી રીતે કરવી તે વિશે જાણો વિગતવાર માહિતી
આવકવેરા રિટર્ન ફોર્મ 2 અને 3 માં વિદેશી સંપત્તિ, આવક અને લાભકારી માલિકીની જાણ કરવા માટે MF શેડ્યૂલનો સમાવેશ થાય છે. ITR ફોર્મ ભરવા માટે આ શેડ્યૂલને ઘણી વખત સૌથી પડકારજનક સેગમેન્ટ ગણવામાં આવે છે. કરચોરી અને મની લોન્ડરિંગને સંબોધવા માટે શેડ્યૂલ એફએ રજૂ કરવામાં આવ્યું હતું, જે નાણાકીય વર્ષ 2011-12થી ITR ફોર્મ માટે મહત્વપૂર્ણ છે
ભારતની બહાર મળેલી કોઈપણ આવક, જેમ કે ડિવિડન્ડ, વ્યાજ અથવા મૂડી નફો. શેર, ડિબેન્ચર, જીવન વીમો, બોન્ડ્સ, બિન-જંગમ મિલકત જેમ કે મકાનો સહિત ભારતની બહાર રાખવામાં આવેલી કોઈપણ સંપત્તિ. વિદેશી સંસ્થામાં કોઈપણ લાભોની વિગતો. ભારતની બહાર સ્થિત કોઈપણ બેંક અથવા ટ્રેડિંગ એકાઉન્ટમાં હસ્તાક્ષર કરવાનો અધિકાર.
નાણાકીય વર્ષ 2023-24 માટે ITR ફાઇલ કરતી વખતે તમારે કૅલેન્ડર વર્ષ 2023 (જાન્યુઆરી 1, 2023 થી 31 ડિસેમ્બર, 2023) માટે કોઈપણ વિદેશી સંપત્તિ અથવા આવક જાહેર કરવી પડશે.
શેડ્યૂલ એફએમાં જાહેરાત કૅલેન્ડર વર્ષ માટે છે, જ્યારે કરપાત્ર આવકની ગણતરી નાણાકીય વર્ષના આધારે કરવામાં આવે છે. આનો અર્થ એ છે કે નાણાકીય વર્ષ 2023-24 માટે પ્રાપ્ત આવક પર ટેક્સ ચૂકવવો પડશે.
જો કોઈ કરદાતા વિદેશી સંપત્તિ અને આવકનો ખુલાસો નહીં કરે તો તેના પર 10 લાખ રૂપિયા સુધીનો દંડ થઈ શકે છે. આ સિવાય છ મહિનાથી સાત વર્ષની જેલ પણ થઈ શકે છે. તમને જણાવી દઈએ કે શોભા હરીશ થાવાણી વિરુદ્ધ જોઈન્ટ સીઆઈટી કેસમાં મુંબઈ ટ્રિબ્યુનલે આકારણી વર્ષ 2016-17 માટે આઈટીઆર શેડ્યૂલ એફએમાં વિદેશી સંપત્તિ વિશે માહિતી ન આપવા બદલ દરેક આકારણી વર્ષ માટે 10 લાખ રૂપિયાના દંડની જોગવાઈને સમર્થન આપ્યું હતું.
(10:54 PM IST)









છેલ્લા 8 દિવસમાં સૌથી લોકપ્રિય 
