ઉત્તર પ્રદેશના કાનપુરમાં એક ચોંકાવનારી ઘટના સામે આવી છે. અહીં હોટલમાં એક સીઓ મહિલા પોલીસકર્મી સાથે ઝડપાઈ ગયા હતા, જે બાદ તેમની સામે કાર્યવાહી કરવામાં આવી છે. સીઓ કૃપા શંકરને COમાંથી કોન્સ્ટેબલ બનાવવામાં આવ્યા છે. હવે તેને પીએસી ગોરખપુરમાં એફ ટીમમાં કોન્સ્ટેબલ તરીકે પોસ્ટ કરવામાં આવ્યો છે.

   કૃપા શંકર અગાઉ બિઘાપુરના સીઓ હતા. જુલાઇ 2021માં પારિવારિક કારણોસર રજા માંગ્યા બાદ તે ગુમ થયો હતો. એસપી ઉન્નાવ પાસેથી રજા લીધા બાદ ઘરે જવાને બદલે કાનપુરની એક હોટલમાં રોકાયા હતા. તેની સાથે એક મહિલા કોન્સ્ટેબલ પણ હતી. આ સમય દરમિયાન સીઓએ તેમના અંગત અને સરકારી બંને મોબાઈલ નંબર સ્વિચ ઓફ કરી દીધા હતા. 

સીઓનો નંબર સ્વીચ ઓફ રહ્યો ત્યારે તેની પત્ની ચિંતામાં પડી ગઈ. બાદમાં તેઓને ખબર પડી કે સીઓ રજા લઈને ઘરે જવા નીકળ્યા હતા પરંતુ તેઓ ઘરે પહોંચ્યા ન હતા. તેથી, સીઓની પત્નીએ ફરીથી એસપી ઉન્નાવને ફોન કર્યો અને તેના પતિને શોધવામાં મદદ માંગી. કોઈ અપ્રિય ઘટનાના ડરથી, એસપી ઉન્નાવએ સર્વેલન્સ ટીમને COને શોધવાનો આદેશ આપ્યો.

  તપાસમાં જાણવા મળ્યું કે કાનપુરની એક હોટલમાં પહોંચ્યા બાદ સીઓ કૃપા શંકર કનોજિયાનો મોબાઈલ નેટવર્ક સ્વીચ ઓફ થઈ ગયો હતો. ઉન્નાવ પોલીસ કાનપુરની હોટલ પર પહોંચી જ્યાં COનું લોકેશન મળ્યું. સીઓ તે હોટલમાં મહિલા પોલીસકર્મી સાથે મસ્તી કરતા ઝડપાયા હતા.

 ઉન્નાવ પોલીસે આ ઘટનાના પુરાવા તરીકે સીઓ સાથે સંબંધિત વીડિયો લીધો હતો. સીઓ અને તેની મહિલા મિત્ર સીસીટીવી કેમેરામાં હોટલમાં પ્રવેશતા જોવા મળ્યા હતા.