<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Saturday, 15th June 2024

પન્‍નુ-નિજ્જર વિવાદ વચ્‍ચે વડાપ્રધાન મોદી ટ્રુડો - બાયડનને મળ્‍યા

કેનેડા વડાપ્રધાન ટ્રુડો સાથે પીએમ મોદીની રસપ્રાઇઝ મુલાકાત ચર્ચાનો વિષય બની બાયડન સાથે મુલાકાત બાદ પીએમ મોદીને કર્યુ ટ્‍વિટ, અમેરિકી રાષ્‍ટ્રપતિ બાયડનને મળવું હંમેશા આનંદની વાત

નવી દિલ્‍હી તા. ૧૫ : વડાપ્રધાન નરેન્‍દ્ર મોદીએ અમેરિકી રાષ્ટ્રપતિ જો બિડેન, કેનેડાના વડા પ્રધાન જસ્‍ટિન ટ્રુડો, યુએનના મહાસચિવ એન્‍ટોનિયો ગુટેરેસ, સંયુક્‍ત આરબ અમીરાત (યુએઈ)ના પ્રમુખ મોહમ્‍મદ બિન ઝાયેદ અલ નાહયાન, તુર્કીના રાષ્ટ્રપતિ રેસેપ તૈયપ એર્દોગાન અને બ્રાઝિલના રાષ્ટ્રપતિ લુલા દા સિલ્‍વા સાથે મુલાકાત કરી. સમિટમાં ભાગ લીધા બાદ હવે તેઓ ભારત જવા રવાના થયા છે.

વડાપ્રધાન નરેન્‍દ્ર મોદીએ જી૭ સમિટમાં હાજરી આપ્‍યા બાદ ઇટાલી છોડતી વખતે કહ્યું હતું કે, ‘આપુલિયામાં જી૭ સમિટમાં તે ખૂબ જ ફળદાયી દિવસ હતો. વિશ્વના ઘણા નેતાઓ સાથે વાતચીત કરી અને વિવિધ વિષયો પર ચર્ચા કરી. સાથે મળીને, અમારો ધ્‍યેય એવા પ્રભાવશાળી ઉકેલો બનાવવાનો છે કે જેનાથી લાભ થાય. વૈશ્વિક સમુદાય અને ભાવિ પેઢીઓ માટે વધુ સારી દુનિયાનું નિર્માણ કરવા માટે હું ઇટાલીના લોકો અને સરકારનો આભાર માનું છું.

વડાપ્રધાન નરેન્‍દ્ર મોદીએ ઈટાલીના વડાપ્રધાન જયોર્જિયા મેલોની સાથે પણ મુલાકાત કરી હતી અને વેપાર અને આર્થિક સહયોગ વધારવા સહિત વિવિધ મુદ્દાઓ પર ચર્ચા કરી હતી. આ દરમિયાન મેલોનીએ પીએમ મોદીને સતત ત્રીજી વખત વડાપ્રધાન બનવા બદલ અભિનંદન પાઠવ્‍યા હતા. તે જ સમયે, મોદીએ જી૭ આઉટરીચ સમિટમાં ભાગ લેવા માટેના આમંત્રણ માટે મેલોનીનો આભાર માન્‍યો અને સમિટના સફળ સમાપન માટે તેમની પ્રશંસા કરી.

પીએમ મોદીએ ટ્‍વિટર પર કેનેડાના વડા પ્રધાન ટ્રુડો સાથે ઉષ્‍માભર્યા ચેટ કરતો ફોટો પોસ્‍ટ કર્યો અને લખ્‍યું, ‘જી૭ સમિટમાં કેનેડાના વડા પ્રધાન જસ્‍ટિન ટ્રુડોને મળ્‍યા.' આ સાથે જ તેણે અમેરિકી રાષ્ટ્રપતિ બિડેન સાથેની મુલાકાતની તસવીરો પણ પોસ્‍ટ કરી છે. પીએમ મોદીએ લખ્‍યું, ‘અમેરિકાના રાષ્ટ્રપતિ જો બિડેનને મળવું હંમેશા આનંદની વાત છે. ભારત અને અમેરિકા વૈશ્વિક સુખાકારીને આગળ વધારવા માટે સાથે મળીને કામ કરવાનું ચાલુ રાખશે.'

યુએન સેક્રેટરી-જનરલ સાથેની તેમની મુલાકાત વિશે પોસ્‍ટ કરતાં, તેમણે લખ્‍યું, ‘ઇટાલીમાં યુએન સેક્રેટરી-જનરલ એન્‍ટોનિયો ગુટેરેસને મળીને આનંદ થયો.' તેણે X પર બ્રાઝિલના રાષ્ટ્રપતિ, યુએઈના રાષ્ટ્રપતિ અને તુર્કીના રાષ્ટ્રપતિ સાથેની જૂથ વાર્તાલાપના ફોટા પણ પોસ્‍ટ કર્યા, લખ્‍યું, ‘ઇટાલીમાં મંત્રણા ચાલુ છે... રાષ્ટ્રપતિ લુલા, રાષ્ટ્રપતિ એર્દોગન અને હિઝ હાઇનેસ શેખ મોહમ્‍મદ બિન ઝાયેદ સાથે વાતચીત.

(8:06 PM IST)