તા. ૧૭ નવેમ્બર ર૦ર૬ વિક્રમ સંવત ર૦૮૩ કારતક સુદ – ૮ મંગળવાર
News of Saturday, 15th June 2024
આગ ફાટી નીકળી,,અફવા બાદ લાતેહારમાં મોટી દુર્ઘટના: મુસાફરો ટ્રેનમાંથી કૂદી પડયા: 3ના મોત : અનેક ઘાયલ
ઝારખંડના લાતેહારમાં સાસારામ-રાંચી ઇન્ટરસિટી એક્સપ્રેસમાં આગ લાગવાની અફવાએ ત્રણ લોકોના જીવ લીધા:અફવાને કારણે યાત્રિકોમાં ભાગદોડ : સામેથી આવતી માલગાડીએ મુસાફરોને મારી ટક્કર

ઝારખંડના લાતેહારમાં સાસારામ-રાંચી ઇન્ટરસિટી એક્સપ્રેસમાં આગ લાગવાની અફવાએ ત્રણ લોકોના જીવ લીધા છે. ઇન્ટરસિટી એક્સપ્રેસ કુમંડીહ સ્ટેશન પર પહોંચી ત્યારે જ કોઈએ એલાર્મ વગાડ્યું કે ટ્રેનના એન્જિનમાં આગ લાગી છે. જેના કારણે મુસાફરોમાં ભયનો માહોલ સર્જાયો હતો. મુસાફરો ટ્રેનમાંથી ઉતરીને દોડવા લાગ્યા. તે જ સમયે વિરુદ્ધ દિશામાંથી એક માલગાડી આવી, જેણે ઘણા મુસાફરોને ટક્કર મારી હતી
કહેવામાં આવી રહ્યું છે કે ત્રણ લોકોના મોત થયા છે. તેમાં બે પુરુષ અને એક મહિલા મુસાફરો છે. હજુ સુધી મૃતકોની ઓળખ થઈ શકી નથી. અનેક લોકો ઘાયલ થયા છે. કહેવામાં આવી રહ્યું છે કે મૃતકોની સંખ્યા વધી શકે છે. રેલવેના ઘણા વરિષ્ઠ અધિકારીઓ અને પોલીસની ટીમ ઘટનાસ્થળે પહોંચી ગઈ છે. રાહત અને બચાવ કાર્ય ચાલુ છે. હજુ સુધી આ મામલે રેલવે તરફથી કોઈ સત્તાવાર નિવેદન આવ્યું નથી. .
(8:26 PM IST)









છેલ્લા 8 દિવસમાં સૌથી લોકપ્રિય 
