તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
રેતી ભરેલી ટ્રક ઝૂંપડી પર ખાબકતા ૮ના મોત
યુપીના હરદોઇમાં ગમખ્વાર અકસ્માત
લખનૌ તા. ૧૨ : અકસ્માતની સંખ્યામાં વધારો થઇ રહ્યો છે. રોજબરોજ અકસ્માતના સમાચારો સામે આવી રહ્યા છે. ક્યારેક બસખીણમાં ખાબકે તો ક્યાંય સ્પીડને કારણે કાબૂ ગુમાવતા અકસ્માતો બની રહ્યા છે. તેવામાં યુપીના હરદોઇમાં ગમખ્વાર અકસ્માત સર્જાયો. જેમાં ૮ લોકોના મોત થયા છે. મૃતકોમાં ૪ બાળકો પણ છે.
મલ્લાનાના ઉન્નાવમાં રેતી ભરેલી ટ્રક કાબૂ બહાર ગઈ અને રસ્તાની બાજુની ઝૂંપડી પર પલટી ગઈ. આ અકસ્માતમાં ૮ લોકોના મોત થયા હતા. મૃતકોમાં ચાર બાળકોનો પણ સમાવેશ થાય છે. આ સિવાય આ અકસ્માતમાં એક બાળકી પણ ઘાયલ થઈ છે. ઘટનાની માહિતી મળતાં જ પોલીસે ઘટનાસ્થળે પહોંચીને મૃતદેહોનો કબજો મેળવીને પોસ્ટમોર્ટમ માટે મોકલી આપ્યો હતો. યુવતીને સ્થાનિક હોસ્પિટલમાં દાખલ કરવામાં આવી છે.
મળતી માહિતી મુજબ આખો પરિવાર ઝૂંપડીમાં સૂતો હતો. દરમિયાન ટ્રક ઝૂંપડા પાસે આવીને પલટી મારી ગયો હતો. મૃતકોમાં પતિ-પત્ની, ચાર બાળકો અને એક સંબંધીનો સમાવેશ થાય છે. આ દુર્ઘટના મલ્લવાન શહેરમાં ઉન્નાવ રોડ પર ઓક્ટ્રોય નંબર બે પાસે થઈ હતી. પોલીસે જણાવ્યું કે આ અકસ્માત ગત મંગળવારે રાત્રે થયો હતો. રસ્તાની બાજુમાં નટ સમાજના લોકોના ઝૂંપડા આવેલા છે. રેતી ભરેલી ટ્રક કાનપુરથી હરદોઈ તરફ જઈ રહી હતી.
આ અકસ્માતમાં અવધેશ જેની ઉંમર ૪૫ વર્ષની હોવાનું કહેવાય છે, તેનું મૃત્યુ થયું છે. આ સિવાય અવધેશની પત્ની સુધા, પુત્રી સુનૈના, પુત્ર લલ્લા, બુદ્ધુ, હીરો, કરણ અને કોમલનું મોત થયું છે. આ અકસ્માતમાં અવધેશની પુત્રી બિટ્ટુ ગંભીર રીતે ઘાયલ છે. ઈજાગ્રસ્ત બિટ્ટુને મલ્લાવનના સામુદાયિક આરોગ્ય કેન્દ્રમાં દાખલ કરવામાં આવી છે. જો કે પોલીસે ઘટનાસ્થળે પહોંચી ટ્રક ડ્રાઈવરને કસ્ટડીમાં લઇને પૂછપરછ હાથ ધરી છે.
સીએમ યોગી આદિત્યનાથે હરદોઈ રોડ અકસ્માતની નોંધ લીધી છે. સીએમ યોગીએ મૃતકોના શોકગ્રસ્ત પરિવારો પ્રત્યે સંવેદના વ્યક્ત કરી છે. મુખ્યમંત્રીએ જિલ્લા વહીવટીતંત્રના અધિકારીઓને ઘટનાસ્થળે પહોંચીને રાહત કાર્યને ઝડપી બનાવવા સૂચના આપી છે.
(10:42 AM IST)
છેલ્લા 8 દિવસમાં સૌથી લોકપ્રિય 
