<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Monday, 10th June 2024

પીએમ મોદી કેન્દ્રમાં આવતાની સાથે જ એક્શનમાં: ખેડૂતો માટે ખોલ્યો પટારો :જાણો શું લીધો નિર્ણય?

નવી સરકારના વડા તરીકે આવતાની સાથે જ પોતાનો પહેલો નિર્ણય લઈને તેમણે ખેડૂત કલ્યાણ પ્રત્યે સરકારની પ્રતિબદ્ધતા દર્શાવવાનો પ્રયાસ કર્યો

નવી દિલ્હી :દેશમાં નવી સરકાર બનતાની સાથે જ વડાપ્રધાન નરેન્દ્રભાઈ  મોદી એક્શનમાં જોવા જોઈએ. નવી સરકારના સત્તામાં આવતાની સાથે જ પોતાનો પહેલો નિર્ણય લઈને તેમણે ખેડૂત કલ્યાણ પ્રત્યે સરકારની પ્રતિબદ્ધતા દર્શાવવાનો પ્રયાસ કર્યો છે. સતત ત્રીજી વખત વડા પ્રધાન બન્યા પછી, તેમણે પ્રથમ સત્તાવાર ફાઇલ પર હસ્તાક્ષર કર્યા, જે કિસાન નિધિના પ્રકાશન સાથે સંબંધિત છે. આ અવસર પર પીએમએ કહ્યું કે અમારી સરકાર ખેડૂતોના કલ્યાણ માટે સંપૂર્ણપણે પ્રતિબદ્ધ છે. તેથી, તે યોગ્ય છે કે ચાર્જ સંભાળ્યા પછી સહી કરવા માટેની પ્રથમ ફાઇલ ખેડૂત કલ્યાણ સાથે સંબંધિત હોવી જોઈએ.

   કિસાન નિધિ યોજના સંબંધિત ફાઇલ પર હસ્તાક્ષર કરતી વખતે પીએમ મોદીએ કહ્યું કે અમે આવનારા સમયમાં ખેડૂતો અને કૃષિ ક્ષેત્ર માટે વધુ કામ કરતા રહેવા માંગીએ છીએ. ત્રીજી વખત વડા પ્રધાન તરીકે શપથ લીધા પછી,નરેન્દ્રભાઈ  મોદીએ PM કિસાન નિધિના 17મા હપ્તાને મંજૂરી આપતા તેમની પ્રથમ ફાઇલ પર હસ્તાક્ષર કર્યા. તેનાથી 9.3 કરોડ ખેડૂતોને ફાયદો થશે અને લગભગ 20,000 કરોડ રૂપિયાનું વિતરણ થશે.

(1:09 PM IST)