News of Monday, 10th June 2024
મુંબઇમાં વરસાદ બન્યો આફત : સ્લેબ પડતા ૨ લોકોના મોત
ભારે વરસાદને કારણે રસ્તાઓ ઘૂંટણિયે પાણી ભરાઇ ગયા : અનેક જગ્યાએ વાહનો ડૂબી ગયા

મુંબઇ તા. ૧૦ : મહારાષ્ટ્રમાં વરસાદ આફત બની ગયો છે. ભારે વરસાદને કારણે મુંબઈમાં વાતાવરણ ખુશનુમા બની ગયું છે, પરંતુ તે આફત પણ બની ગયું છે. મુંબઈ અને તેની આસપાસના વિસ્તારોમાં છેલ્લા ૨૪ કલાકમાં ભારે વરસાદ થયો હતો. વરસાદની સ્થિતિ એવી હતી કે લોકોને ગરમીમાંથી રાહત મળી હતી, પરંતુ રસ્તાઓ પર પાણી ભરાઈ ગયા હતા. આ વરસાદ લોકો માટે આફત બની ગયો હતો. મુંબઈમાં ભારે વરસાદને કારણે રસ્તાઓ ઘૂંટણિયે પાણી ભરાઈ ગયા છે. અનેક જગ્યાએ વાહનો ડૂબી ગયા છે. વિક્રોલી વિસ્તારમાં વરસાદને કારણે એક સ્લેબ તૂટી પડતાં બે લોકોનાં મોત થયાં છે. આમાં એક ૧૦ વર્ષનો બાળક પણ સામેલ છે. તમને જણાવી દઈએ કે ચોમાસું બે દિવસ પહેલા મુંબઈ પહોંચી ગયું છે.
અધિકારીના જણાવ્યા અનુસાર, ભારે વરસાદને કારણે પડોશી મહારાષ્ટ્રના પાલઘર જિલ્લામાં રોડનો એક ભાગ ધરાશાયી થયો હતો. જેના કારણે મુંબઈ-અમદાવાદ હાઈવે પર રવિવારે સવારે ચાર કલાકથી વધુ સમય સુધી વાહનવ્યવહાર પ્રભાવિત થયો હતો. પોલીસ કંટ્રોલ રૂમના એક અધિકારીએ જણાવ્યું કે, જયારે પાલઘરના માલજીપાડા વિસ્તારમાં ભારે વરસાદને કારણે રસ્તાનો એક ભાગ ધરાશાયી થયો ત્યારે પાઇપલાઇન સહિતનું રિપેરિંગ કામ ચાલી રહ્યું હતું. જેના કારણે વાહનવ્યવહાર થંભી ગયો હતો અને રોડની બંને તરફની અવરજવર ખોરવાઈ ગઈ હતી. સોમવારે મુંબઈ અને આસપાસના વિસ્તારોમાં વરસાદ પડ્યો હતો અને રસ્તાઓ પર પાણી ભરાઈ ગયા હતા.
આજે એટલે કે સોમવારે પણ મુંબઈની ગતિ ધીમી પડશે. અનેક જગ્યાએ પાણી ભરાવાને કારણે વાહનોની ગતિને અસર થશે. આ વરસાદના કારણે લોકોને ભારે મુશ્કેલીનો સામનો કરવો પડી રહ્યો છે. સવારે પણ અનેક વિસ્તારોમાં ટ્રાફિક જામની સમસ્યા જોવા મળી હતી. થાણે, નાસિક, છત્રપતિ સંભાજીનગર, અહેમદનગર, સતારા અને જલગાંવ સહિત મહારાષ્ટ્રના અન્ય ઘણા જિલ્લાઓમાં પણ છેલ્લા એક દિવસમાં સારો વરસાદ થયો છે. રવિવારે મુંબઈમાં ૬૦ મીમીથી વધુ વરસાદ થયો હતો.
ભારતના હવામાન વિભાગ મુજબ, દક્ષિણ મુંબઈમાં કોલાબા ઓબ્ઝર્વેટરીએ ૬૭ મીમી વરસાદ નોંધ્યો હતો, જયારે છત્રપતિ શિવાજી મહારાજ ઈન્ટરનેશનલ એરપોર્ટ નજીકની સાંતાક્રુઝ ઓબ્ઝર્વેટરીએ આ જ સમયગાળામાં ૬૪ મીમી વરસાદ નોંધ્યો હતો. કોલાબા વેધશાળામાં મહત્તમ તાપમાન ૩૪.૮ ડિગ્રી સેલ્સિયસ નોંધાયું હતું, જે સામાન્ય કરતાં ૧.૧ ડિગ્રી વધારે છે, જયારે લઘુત્તમ તાપમાન ૨૪.૩ ડિગ્રી સેલ્સિયસ હતું, જે સામાન્ય કરતાં ૨.૯ ડિગ્રી ઓછું છે. લઘુત્તમ તાપમાનમાં ઘટાડો રાત્રિના તાપમાનમાં ઘટાડો દર્શાવે છે.
હવામાન વિભાગના જણાવ્યા અનુસાર દક્ષિણ-પヘમિ ચોમાસું પણ સામાન્ય કરતાં બે દિવસ વહેલું રવિવારે મુંબઈ પહોંચ્યું હતું. ચોમાસું ૩૦મી મેના રોજ કેરળ અને ઉત્તર-પૂર્વ વિસ્તારમાં સમય કરતાં વહેલું પહોંચી ગયું હતું. સામાન્ય રીતે, ચોમાસું ૧લી જૂન સુધીમાં કેરળ, ૧૧મી જૂન સુધીમાં મુંબઈ અને ૨૭મી જૂન સુધીમાં રાષ્ટ્રીય રાજધાની પહોંચે છે. હવામાન વિભાગે ૧૫ મેના રોજ ૩૧ મે સુધીમાં કેરળમાં ચોમાસું પહોંચવાની આગાહી કરી હતી.
હવામાનશાસ્ત્રીઓએ જણાવ્યું હતું કે મેના અંતમાં પヘમિ બંગાળ અને બાંગ્લાદેશમાંથી પસાર થયેલા ચક્રવાત રામલએ ચોમાસાને બંગાળની ખાડી તરફ ખેંચ્યું હતું, જેના પરિણામે ઉત્તરપૂર્વમાં ચોમાસાનું આગમન સમય પહેલા થઈ ગયું છે. કેરળમાં ચોમાસાના આગમનની સામાન્ય તારીખ ૧ જૂન અને અરૂણાચલ પ્રદેશ છે.
(4:19 PM IST)









છેલ્લા 8 દિવસમાં સૌથી લોકપ્રિય 
